Мария Васильева (СИА)хаартыскаҕа түһэриитэ
Ыам ыйын 23 күнүн киэһэтигэр «Нам» суолуттан 400 миэтэрэ тэйиччи ойуур баһаара тахсыбытын туһунан ИДьМ Намнааҕы дьуһуурунай-диспетчерскэй сулууспатыгар тыллабыр киирбит.
Хас да чаас устата ойуур баһаара 27 киһи күүһүнэн уонна 7 тиэхиньикэнэн умуоруллубут.
Полиция үлэһиттэрин суһал-ирдиир дьаһалларынан ойууру уоттаабыт эрэ буолбакка, сокуоннайа суох маһы кэрдибит 42 саастаах олохтоох киһи буолара быһаарыллыбыт.
Эр киһи бу иннинэ Хомустаах учаастагар 72 тиит маһы эрбээбит. Сарсыныгар арыгы иһэн баран, салгыы мас эрбииргэ тыаны көрөргө төннөн кэлбит. Итирик туруктаах сылдьан, табаҕын умуруорбакка кураанах окко бырахпыт. Уорбаланааччы кэпсээбитинэн, ойуур баһаарын умуруорарга холонон көрбүт да, тахсыбыт уот турбутун кыайбакка, тутатына быраҕан барбыт.
Билигин полиция үлэһиттэрэ матырыйааллары Нам улууһун ЫБММ сулууспатыгар биэрдилэр. Ону кытта ИДЬМ ЭБиПК отделын оперативниктара тыаны сокуоннайа суох кэрдибит чахчытынан бэрэбиэркэ ыыталлар. Бу туһунан ИДьМ пресс-сулууспата суруйар.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…