Хаартыска: Нам улууһун пресс-сулууспата.
Бэҕэһээ, муус устар 15 күнүгэр, Нам улууһугар хаарынан уонна бадараанынан сылдьар (снего-болотоход) саҥа көлө кэллэ.
Бу туһунан улуус дьаһалтатын телеграм-ханаалыгар «Нам улууһа» МТ гражданскай оборуонаҕа уонна ыксаллаах быһыыга-майгыга кылаабынай исписэлииһэ Николай Монастырев маннык сырдатта:
— Улуустааҕы муниципальнай бырагыраама чэрчитинэн, 2024 с. РФ сокуонугар уонна тустаах ирдэбиллэргэ толору эппиэттиир куонкурус биллэриллэн, аукцион түмүгэ тахсан, саҥа көлөнү ылбыппыт. Нам улууһугар ыксаллаах быһыы-майгы түгэннэрэ үгүстүк буолаллар. Халаан уутун алдьархайыгар эмсэҕэлээһин, ойуур баһаардара, дьон сүтүүтэ үгүһүттэн уопсай сүбэнэн улуус салалтата хаарынан уонна бадараанынан сылдьар (снего-болотоход) атыылаһар соругу ылыммыта. Ыксаллаах быһыыга-майгыга тутуллар сыаллаах-соруктаах 6 киһи батар миэстэлээх тиэхиньикэ Новосибирскай куорат собуотугар быйыл оҥоһуллан тахсан, саамай тоҕоостоох кэмигэр тиийэн кэллэ.
Онон Нам улууһа айылҕа араас алдьархайыттан эмсэҕэлиир улуустар ахсааннарыгар киирэринэн сибээстээн, билиҥҥи кэмҥэ олус туһалаах тиэхиньикэ намнарга улахан өйөбүлүнэн буолуоҕа.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…