Нам улууһугар оттооһун былаана 65% туолла

Нам улууһугар атырдьах ыйын 20 күнүнээҕи туругунан, бары көрүҥнээх хаһаайыстыбалар  17 486,5 туонна оту бэлэмнээн былаан 63,5 % туолан иһэр.

Улуустааҕы тыа хаһаайыстыбатын управлениетын салайааччытын солбуйааччы  Юрий Петров бэлиэтээбитинэн, оттооһун көрдөрүүтүн нэһилиэктэр исписэлиистэрэ улуустааҕы тыа хаһаайыстыбатын управлениетыгар нэдиэлэҕэ иккитэ түһэрэллэр. Былырыын баччаҕа 25 000 туонна от оттоммут (90,8%). От быйылгы былаана — 27 533, 55 туонна.

Бүгүҥҥү күн туругунан ордук үчүгэй көрдөрүүлээх Таастаах нэһилиэгэ — оттооһун былаанын 136,0 % толордо. Намыһах көрдөрүүлээх Модут нэһилиэгэ — 31,0% .

Сиһилии https://t.me/namskiyulus/61544?single сигэнэн билсиҥ.