Нам улууһугар полицейскайдар 68 саастаах бутлегеры туттулар

Олохтоох аҕам саастаах эр киһи арыгыны массыына салонун иһиттэн атыылаабыт. Тырааныспары бэрэбиэркэлээһин кэмигэр үс бытыылка буокка былдьаммыт.

Быраабы араҥаччылааччылар быһаарбыттарынан, клиеннэрин 68 саастаах эр киһи билэр дьонун нөҥүө булар эбит. Ааспыт сыл ахсынньы ыйыгар кини административнай эппиэтинэскэ эмиэ тардыллан, мөрөбүөй суутунан 30 тыһыынча солкуобайга ыстарааптаммытын бэлиэтииллэр.

Маны таһынан учаастактааҕы полиция үлэһитэ эр киһини арыгыны хаттаан атыылыыр түгэнигэр холуобунай эппиэтинэскэ тардылларын сэрэппит да, эр киһи арыгы атыытын тохтоппотох. Билигин холуобунай дьыала көбүтүллүүтүн боппуруоһа быһаарыллар диэн Саха сиринээҕи ИДьМ пресс-сулууспата суруйар.