Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһыма

Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.

Ыам ыйын 19 күнүнээҕи сарсыарда 08:00 ч. туругунан, улуустааҕы биир кэлим диспетчерскэй сулууспата (ЕДДС) иһитиннэрэринэн: Ымыйахтаахха (Үөдэй) уу таһыма – 647 см, 2 чаас иһигэр -1 см түстэ, 4 олбуору (6 киһи олорор), бөһүөлэк иһинээҕи суоллары 3 өттүттэн (Депутатскай, Заложнай, Молодежнай уул) ылла. МПЧ нэһилиэнньэҕэ сэрэтии үлэтин ыытар. 19.05.24. 04 ч. 30 м. уу Кыһыл Сыыр өттүттэн кэлэр.

2 Хомустаахха уу таһыма – 910 см (кутталлаах таһым 858 см), 2 чаас иһигэр +9 см эбилиннэ; 24 дьиэҕэ, о.и. 7 олорор дьиэҕэ (19 киһи олорор), 7 сайылыкка, 7 быраҕыллыбыт дьиэҕэ), 55 дьиэ тэлгэһэтигэр уу киирдэ. Сыыппаралар чуолкайданаллар. Дьону «Сэргэлээх» түөлбэҕэ  үөһээ бөһүөлэккэ көһөрдүлэр.

Партизаҥҥа уу таһыма – 653 см (кутталлаах таһым 632 см), 2 чаас иһигэр -2 см түстэ; 12 дьиэҕэ, 39 дьиэ тэлгэһэтигэр, 1 элбэх кыбартыыралаах дьиэҕэ уу киирдэ, 6 суолу, 1 трансформаторы уу ылла. 125 киһи, о.и. 12 оҕо аймахтарыгар көстүлэр.

Никольскайга уу таһыма – 228 см (кутталлаах таһым 474 см); 2 чаас иһигэр — 1см түстэ.

Хамаҕаттаҕа уу таһыма – 648 см ( кутталлаах таһым 629 см), 2 чаас иһигэр -1 см түстэ; 10 дьиэ тэлгэһэтигэр, 2 даачаҕа, 10 дьиэҕэ уу киирдэ, 1 трансформатор ууга барда. «Лингва» лааҕыр олоччу ууга барда. 10 киһи быстах олорор пууҥҥа, 2 киһи даачаларыгар көстүлэр. МПЧ нэһилиэнньэҕэ сэрэтии, биллэрии үлэтин ыытар.

Граф Биэрэгэр уу таһыма – 1058 см ( кутталаах таһым 950 см), 2 чаас иһигэр -5 см түстэ, сэлиэнньэ 95% ууга барда.

Арбыҥҥа уу таһыма – 873 см (кутталлаах таһым 897 см), 2 чаас 2 см түстэ; 17 дьиэ тэлгэһэтэ, 1 олорор дьиэ, нэһилиэк иһинээҕи суоллар, 3 теплотрасса, 90 м усталаах Харыйалаах-Сыгыннаах суол ууга бардылар.

Тумулга (Модут) уу таһыма – 841 см (кутталлаах таһым 715 см), уларыйыы суох; 24 дьиэҕэ, 56 дьиэ тэлгэһэтигэр уу киирдэ, 5 нэһилиэк иһинээҕи суол, 2 муоста ууга бардылар. МПЧ-6 нэһилиэнньэҕэ сэрэтии, биллэрии үлэтин ыытар. Ахсаан чуолкайданар.

Бөтүҥҥэ уу таһыма – 529 см (кутталлаах таһым 701 см) 2 ч. иһигэр -5 см түстэ, 26 олорор дьиэҕэ, 30 дьиэ тэлгэһэтигэр, 1 саунаҕа, 1 хотоҥҥо, 1 хочуолунайга уу киирдэ, 4 дьиэ акылаатын, бөһүөлэк иһинээҕи суоллары, трансформаторнай подстанцияны уу ылла.

Кыһыл Дэриэбинэҕэ уу таһыма чуолкайданар (кутталлаах таһым 1011 см); 5 дьиэ тэлгэһэтигэр, 5 олорор дьиэҕэ, уу киирдэ.

Аппааныга уу таһыма – 949 см (кутталлаах таһым 538 см), 2 чаас иһигэр -5 см түстэ; 15 дьиэ тэлгэһэтигэр уу киирдэ.

Ленскэйгэ (Нам с.) уу таһыма – 662 см (кутталлаах таһым 831 см), 2 чаас иһигэр -6 см түстэ; 3 олорор дьиэҕэ, 20 дьиэ тэлгэһэтигэр уу киирдэ.

Хатырыкка – 240 олорор дьиэҕэ, 240 дьиэ тэлгэһэтигэр уу киирдэ, 2 трансформаторы уу ылла.

Маймаҕа — сэлиэнньэ 100% ууга барда, 2 чаас иһигэр — 55 см түстэ; 47 дьиэ тэлгэһэтэ, 42 олорор дьиэ, 5 сзо (начальнай оскуола, оҕо саада, ФАП, олохтоох дьаһалта дьиэтэ, үүт тутар пуун), 4 уулусса ууга бардылар. 13 киһи, 5 быыһааччы, 6 транспорт, 16 устар сириэстибэ, 2 трактор быыһыыр үлэҕэ сылдьаллар, 1 бензининэн барар станция туһаныллар. Ахсаан чуолкайданар.

Көбөкөҥҥө – уу 2 чаас иһигэр — 26 см түстэ; 4 дьиэ тэлгэһэтэ, 1 олорор дьиэ, киһи олорбот 2 эбийиэгэ, 1 массыына суола ууга барбыттар.

Фрунзеҕа – оскуола-саад тэлгэһэтигэр, киһи олорбот 3 дьиэтигэр уу киирбит. Быстах олорор пуун тэриллибит.

«Нам улууһа» МТ пресс-сулууспата