Нам улууһун көбүөрүгэр Саха сирэ уонна Кыргыстаан сүүмэрдэммит хамаандалара көҥүл тустууга табаарыстыы көрсүһүүнү тэрийдилэр. Максим Аммосов төрөөбүтэ 125 үбүлүөйдээх сылынан буолбут көрсүһүү бэрт истиҥник ааста. Күрэхтэһии иннигэр Саха сирин уонна Кыргыстаан бэрэстэбиитэллэрэ икки норуот иннигэр улахан өҥөлөөх бэлиитик пааматынньыгар сибэкки дьөрбөтүн уурдулар.
Көҥүл тустууга икки дойду табаарыстыы көрсүһүүтүгэр Саха сирин аан дойдуга маҥнайгынан ааттаппыт дьонтон биирдэстэрэ, Олимпийскай оонньуулар үрүҥ көмүс мэтээл хаһаайына Александр Иванов күндү ыалдьыт буолбут. Эҕэрдэ тылы Нам улууһун баһылыга Юрий Слепцов, СӨ физическэй култуураҕа уонна успуорка министрин солбуйааччы Александр Бугаев, Казахтар диаспораларын салайааччы Фархат Садыков, Киргиистэр диаспораларын бэрэстэбиитэлэ Орунбаев Торорбекович,уонна да атыттар эттилэр.
Саха сирин уонна Кыргыстаан тустууктара биэс ыйааһыҥҥа холоһон көрдүлэр. Ол курдук, үс ыйааһыҥҥа Саха сирин сүүмэрдэммит хамаандатыттан Нам улууһун тустууктара Петр Парников, Сергей Семенов уонна Ариан Гоголев тыҥааһыннаах тустууну көрдөрдүлэр. Көбүөргэ маҥнайгы көрсүһүүнү кыайыылаахтык саҕалаабыт хамаанда үтүө түмүктээх буолааччы. Ити курдук, иккис көрсүһүү да ону туоһулаан, саха уола Петр Парников туһатыгар буолбута.
86 киилэ ыйааһыҥҥа Кыргыстаан бөҕөһө саха тустуугун эрэллээхтик кыайбыта. Долгутуулаах табаарыстыы көрсүһүү түмүгүнэн, кыргыыстар кыайыыны ситистилэр. Бэлиэтээн эттэххэ, Саха сирин уонна Наммыт чулуу уола Чаҕылхай Махсыым үлэлээбит дойдутуттан кэлбит ыалдьыттарбыт улахан ыйааһыҥҥа күүстээхтэрин көрдөрдүлэр.
Көрсүһүү уопсай түмүгэ 3:2 ахсааннаах ыалдьыттар кыайыыларынан түмүктэннэ.
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…
Кэнники кэмҥэ оҕо аахпат буолбутун бары билинэбит. Аахпат оҕо билиитэ-көрүүтэ татым, суруйарыгар да сыыһалардаах буолар.…
Ил Дархан Айсен Николаев “Саха сирин тимир суоллара” хампаанньа 2025 сыллааҕы үбүн-хаһаайыстыбаннай үлэтин барыллаан түмүктэрин…