Хаартыска: Нам улууһун дьаһалтатын пресс-сулууспата.
Бүгүн, муус устар 10 күнүгэр, Нам улууһун күннэрин чэрчитинэн улуус баһылыга Юрий Слепцов СӨ Инновация, цифровой сайдыы уонна инфокоммуникационнай технология миниистирин бастакы солбуйааччыта Алексей Копытовы кытта көрүстэ.
Сүбэ мунньаҕы миниистир солбуйааччыта Алексей Копытов Нам улууһугар ыытыллыахтаах үлэни сырдатыыттан саҕалаата. “Ростелеком» уонна “АрктикТелеком» тэрилтэлэри кытта интэриниэт ситимин тупсарыытыгар ыытыллар үлэни, туох ыарахаттар баалларын сиһилии билиһиннэрдэ.
Улуус баһылыга Юрий Слепцов быйыл Нам улууһа тэриллибитэ 95 сыла бэлиэтэнэринэн, улуус күннэрэ биэс күн устата элбэх хайысханы хабан ыытылла туралларын кэпсээтэ. Маймаҕаҕа халаан уута кэлиэр диэри ыксаллаах быһыыны-майгыны билиһиннэрэн туран, баһаары, уу кэлиитин, нэһилиэнньэҕэ биллэрэр комплекснай ситими туруорууну уонна үлэлэтиини туруоруста. Ленскэй, Маймаҕа, Таастаах, Фрунзе нэһилиэктэрин баһылыктара туох кыһалҕалар баалларын миниистир солбуйааччытыгар тиэртилэр.
Ол курдук, Нам сэлиэнньэтигэр МТС сибээһэ мөлтөөбүтүн ыйан, Фрунзе нэһилиэнньэтэ аҕыйаҕынан, суотабай сибээс оператордара «вышка» туруоралларын аккаастаабыттарын эттилэр. Искра, Таастаах, Маймаҕа нэһилиэктэригэр уот барар түбэлтэтигэр сибээс олоччу арахсарынан, Искраҕа биир эрэ «Билайн» сибээс оператора баарынан сибээстээн, тэриллэри диагностикалааһыны ыытыы уонна аккумуляторнай батареяларын уларытыы курдук кыһалҕалары ырыттылар. Маны сэргэ, Бөтүҥҥэ, Көбөкөҥҥө, Маймаҕаҕа мобильнай сибээһи тупсарыахха сөбүн ыйдылар. Алексей Копытов баһылыктар этиилэрин болҕойон иһиттэ уонна баар кыһалҕалары туоратыыга бииргэ үлэлииргэ бэлэмин эттэ.
Улуус баһылыга Юрий Слепцов аһаҕас кэпсэтии тахсыбытын бэлиэтээтэ уонна былырыыҥҥы халаан уутугар өйөбүл буолбуттарыгар махтанан Алексей Копытовка Махтал суругу туттарда.
Бу нэдиэлэҕэ Саха сириттэн байыаннай дьайыы ыытыллар сиригэр Аҕа дойдуну көмүскээччи күнүгэр аналлаах бырааһынньыктааҕы ас-үөл…
СӨ Ленскэй оройуонун суутунан олохтоох дьахтар РФ ХК 322.1 ыст 1 ч. Арассыыйа Федерациятыгар тас…
“СВОе дело|14” үөрэтэр бырагыраамаҕа сайаапкалары ылыы саҕаланна. Бу бырайыак урбаан төрүттэрин баһылыырга, бэйэ дьыалатын арыйарга…
Саха чулуу уола, албан ааттаах кикбоксер, уопсастыбаннай диэйэтэл, меценат, СӨ кикбоксиҥҥа Федерациятын вице-бэрэсидьиэнэ, "Сатал" СОНТ…
Бүгүн Араагы утары охсуһуу бүтүн аан дойдутааҕы күнэ. Бу күнү көрсө Саха сиригэр олунньу 2-6…
Саха сирин ювелирнай хампаанньалара олунньу 4-8 күннэригэр Санкт-Петербург куоракка JUNWEX норуоттар икки ардыларынааҕы быыстапкаҕа кыттыахтара.…