Нам улууһугар субуотунньуктарга дьон көхтөөтүк кыттар

Бу күннэргэ халаан уутуттан эмсэҕэлээбит Нам улууһун нэһилиэктэригэр ыраастааһын үлэтэ күүстээхтик ыытылла турар. 

Хатырык нэһилиэгэр ыал тиэргэнин аайы — таҥас-сап куурдуллан ыйанан турар, алдьаммыт, туһаттан тахсыбыт дьиэ тээбириннэрэ сыталлар, тураллар.

Ыксаллаах быһыы-майгы сулууспатын үлэһиттэрэ дьиэ акылаатыгар тиийэ инчэҕэй буору хаһан, муосталары көтүрэ сылдьаллар.

Чөлүгэр түһэрэр үлэлэргэ Дьокуускай уонна Нам улууһун бөдөҥ тэрилтэлэриттэн волонтердар кэлэн, субуотунньугунан социальнай тэрилтэлэр үлэһиттэригэр  уонна олохтоохторго көмөлөһөллөр. Бу туһунан СӨ Бырабыыталыстыбатын кураторынан анаммыт Тыа хаһаайыстыбатын миниистирин солбуйааччы Николай Афанасьев иһитиннэрдэ.