Быйыл 2024 сылга Нам улууһун дьаһалтата СӨ тыатын хаһаайыстыбатын министиэристибэтин «Эбии аһылыгы оҥорон таһаарыы» бырагырааматын чэрчитинэн улууска өрөспүүбүлүкэ бүддьүөтүттэн 10 мөл. солкуобай үп кэлэрин ситиспитэ.
Ону таһынан бу бырагыраамаҕа улуус бүддьүөтүттэн 11 мөл. солкуобай эбии үбүлээһин көрүллүбүтэ диэн Нам улууһун дьаһалтатын пресс-сулууспата иһитиннэрэр.
Бэҕэһээ, от ыйын 22 күнүгэр, улуус баһылыгын солбуйааччы Филипп Николаев бэрэссэдээтэллээх анал хамыыһыйа куонкурус түмүгүн таһаарда. Куонкуруска барыта 19 бааһынай хаһаайыстыба сайаапка биэрбитэ. Хамыыһыйа көрүүтүн түмүгүнэн көмө харчыны Үөдэй нэһилиэгиттэн В.Н. Бережнева, Э.А. Константинов, Р.К. Петров, Партизан нэһилиэгиттэн С.С. Терешкин, И.П. Гаврильев, Хамаҕатта нэһилиэгиттэн А.С. Жирков, Бөтүҥ нэһилиэгиттэн М.П. Сивцев, А.П. Слепцов, Г.Г. Уваровскай, Н.И. Попова, Модут нэһилиэгиттэн Д.С. Попов, А.К. Протодьяконов, П.Е. Терехов, Хатыҥ Арыыттан З.А. Винокуров, А.З. Винокуров, Н.К. Сучко, «Агро» МТС В.И. Соловьев, Хатырыктан А.В. Слепцова, А.Е. Парников ыллылар.
Бааһынай хаһаайыстыбаларга субсидияны маннык аҥардаатылар: 12 устуука тыа хаһаайыстыбатын тиэхиньикэтин, оборудованиетын атыылаһыыга, 140 туонна сиэмэни атыылаһыы ороскуотун толуйууга, 25 км иэннээх кормовой култуура бааһынатын сирин күрүөлээһиҥҥэ диэн тус аналлаах түҥэтилиннэ.
Санатар буоллахха, өрөспүүбүлүкэҕэ «Эбии аһылыгы оҥорон таһаарыы» бырагыраамата 2017 сылтан Ил Дархан Айсен Николаев бэйэ оҥорон таһаарар табаардарын уонна өҥөлөрүн сайыннарыыга туһуламмыт бастаык суолталаах ыйааҕар олоҕуран үлэлиир.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…