Нам улууһугар сыл бүтүөр диэри 270 ыал саҥа дьиэҕэ көһүөҕэ

Сайдыы биир сүрүн кэрэһитэ – саҥа дьиэлэр, аныгылыы оҥоһуулаах социальнaй уонна производственнай эбийиэктэр  тутуллан үлэҕэ киириилэрэ буолар.

«Нам улууһа” МТ капитальнай тутууга уонна архитектураҕа управлениетын начальнигын э.т. Алексей Кондаков иһитиннэрбитинэн, быйыл Нам улууһугар «Хаарбах уонна саахалланар туруктаах дьиэлэртэн дьону көһөрүү”  бырагырааманан  2023 сыл 4  кыбаарталыгар  элбэх кыбартыыралаах 20 дьиэ үлэҕэ киирэрэ былааннанар.

Ол курдук  Нам сэлиэнньэтигэр:

-6 кыбартыыралаах  дьиэ, М. Аммосов уул., 13;
-4 кыбартыыралаах  дьиэ, Базовай уул. 3/1;
— 8 кыбартыыралаах  дьиэ, М.Аммосов уул., 26;
— 31 кыбартыыралаах дьиэ, Октябрьскай уул., 26;
— 25 кыбартыыралаах  дьиэ, Минияров уул., 2;
— 22 кыбартыыралаах дьиэ, Ленскай уул., 18;
— 22 кыбартыыралаах дьиэ, Ленин уул., 39;
— 39 кыбартыыралаах дьиэ, Октябрьскай уул., 20;
— 39 кыбартыыралаах дьиэ, Октябрьскай уул.,6;
— 4 кыбартыыралаах дьиэ, Ленскай уул., 76.

Маны таһынан Хамаҕаттаҕа, Искраҕа,  1 Хомустаахха, Бөтүҥҥэ, Аппааныга,  Арбыҥҥа  тутуллаллар.

— Улуус салалтатын болҕомтотун киинигэр сылдьар биир сүрүн соругунан «Хаарбах уонна саахалланар туруктаах дьиэлэртэн  дьону көһөрүү»  бырагырааманан  саҥа  дьиэлэри  тутуу буолар, — диэтэ Алексей Алексеевич.

Быйыл улуус үрдүнэн бу  бырагырааманан  уопсайа 12 628,24 кв.м. иэннээх олорор дьиэни үлэҕэ киллэрэр сорук турар диэн  «Нам улууһа” МТ пресс-сулууспата иһитннэрдэ.