Хаартыска: Саха сиринээҕи Быыһыыр сулууспата
Нам улууһун Кириэс-Кытыл сэлиэнньэтигэр балаҕан ыйын 1 күнүгэр сүппүт 81 саастаах киһини көрдөөһүн түмүктэннэ. Эр киһи өлүгүн көрдөөһүҥҥэ чэппиэргэ кыттыспыт водолазтар үрэх таһыттан буллулар диэн балаҕан ыйын 4 күнүгэр Саха сиринээҕи Быыһыыр сулууспа иһитиннэрдэ.
«Эр киһи өлүгүн бэсиһин ууга киирии кэмигэр буллубут. Бу үрэх уу таһыма түспүтүнэн өрүстэн быстыбыт эбит, ол иһин манна сүүрүгэ суох. Бу сири урут чинчийбэтэхтэрэ, сэлиэнньэттэн быһа холоон 1 км тэйиччи сытар. Киһи өлүгэ үрэх кытылыгар сытара», — диэн Саха сиринээҕи Быыһыыр сулууспатын водолазтарын бөлөҕүн салайааччыта Станислав Соломахин кэпсээтэ.
Быыһааччылары, полиция, олохтоох дьаһалта үлэһиттэрин уонна волонтердары кытыннаран киэҥ далааһыннаах көрдөөһүн үлэтэ балаҕан ыйын 2 күнүттэн ыытыллыбыта. Эр киһи сүппүт күнүгэр биир дойдулаахтара кырдьаҕаһы бэйэлэрэ көрдөөбүттэрэ. Көрдүүр үлэ биир да мүнүүтэ тохтооботоҕо – сэлиэнньэ тулатынааҕы хонуулар уонна тыалар чинчийиллибиттэрэ. Быыһааччылар волонтердары кытта хас биирдии быраҕыллыбыт тутууну көрдүлэр. Түүн тепловизордаах квадрокоптер туһаныллыбыта. Үрэх түгэҕэ эмиэ чинчийиллибитэ.
Илиҥҥи экэнэмиичэскэй пуорум «Уһук Илин сайдыытын күүһэ – үөрэхтээһин» диэн сессиятыгар СӨ Бэрэссэдээтэлин солбуйааччыта Анатолий…
Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар…
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын…
РФ Бэрэсидьиэнэ Владимир Путин X Илиҥҥи экэнэмиичэскэй пуорум чэрчитинэн Чуумпу акыйааннаҕы тимир суолу арыйыыга старт…
Соторутааҕыта айар куттаах дьүөгэлиилэр Светлана, Афанасий Андреевтар чэлгиэннээх тэлгэһэлэригэр ыҥырыллан, биир үтүө күнү бэркэ атаардыбыт.…
Ханнык баҕарар төрөппүт баҕа санаата - оҕото сарсыарда чэпчэкитик, сэргэхтик уһуктар, оскуолаҕа сылайбат уонна кэмигэр…