Т.Протопопова
Нам улууһугар техник-осеменатордарга анаммыт сэргэх тэрээһин буолбут. Ол курдук, бу улуус тыа хаһаайыстыбатын управлениетын исписэлииһэ Анастасия Олесова салалтатынан техник-осеменатордарга мунньах уонна үөрэтэр сэминээр ыытыллыбыт.
“Сахаагроплем” СБТ исписэлииһэ Александр Семенович Попов кэпсииринэн, бу тэрээһин тыа хаһаайыстыбатын эйгэтигэр С.М.Аржаков аатынан СӨ судаарыстыбаннай бириэмийэтин лауреата Надежда Ивановна Попова “Дайыына” бааһынай хаһаайыстыбатын базатыгар тэриллибит. Надежда Ивановна сэминээр кыттыылаахтарыгар кэпсиирэ-көрдөрөрө элбэх эбит. Ол курдук, кини 2020 сыллаахха Красноярскай кыраайтан 100 уулаах симменталь боруода тиҥэһэни аҕалбыт. Кини былырыын биир ынахтан күҥҥэ 3500 киилэ үүтү ыабыт. Билигин хаһаайыстыбатыгар 91 ынаҕа төрөөн турар. Онон күҥҥэ 1,5 туонна үрүҥ илгэни үрүлүтэр.
Дьэ, маннык киһи элбэххэ үөрэнэр тэрээһинигэр Нам улууһун сэттэ нэһилиэгин 11 исписэлииһэ кыттыбыт. Ынаҕы искусственнайдык буоһатыы ньымаларын үчүгэйдик баһылаары техник-осеменатордар 10-ча ынаҕы сиэмэлээбиттэр. Тэрээһиҥҥэ сабыс-саҥа үөрэммит 5 техник-осеменатор кыттан, билиилэрин-көрүүлэрин хаҥаппыттар.
Туһааннаах исписэлиистэр “Сахаагроплем” тэрилтэттэн үлэлииллэригэр сайаапка быһыытынан оборудование, убаҕас азот, племенной атыыр оҕус сиэмэтин ылан, үөрэн-көтөн тарҕаспыттар. Салгыы “Сахаагроплем” СБТ (сал.А.Жирков) үөрэтэр кылааһыгар кэлэн үөрэнэр баҕалаахтар.
Хаартыска: Т.Протопопова
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…