Нам улууһугар тутуу үлэтэ тэтимнээхтик барар

Саха сиригэр национальнай бырайыагынан уонна өрөспүүбүлүкэтээҕи бырагыраамаларынан элбэх тутуу ыытыллар. Социальнай эбийиэктэри тутуу, хаарбах дьиэттэн дьону көһөрүү тэтимнээтик барар.

От ыйын 16 күнүгэр, СӨ Судаарыстыбаннай сакаасчыт сулууспатын генеральнай дириэктэрэ Гаврил Скрыбыкин уонна тэрилтэ үлэһиттэрэ Нам улууһугар тутулла турар эбийиэктэри көрдүлэр-иһиттилэр.

Оробуочай бөлөх бастаан Нам улууһун баһылыга Юрий Слепцову кытта көрсөн эбийиэктэр тутуллууларын хаамыытын туһунан билистилэр. Ол кэннэ тутлла турар эбийиэктэри кэрийэн көрдүлэр диэн Нам улууһун дьаһалтатын пресс-сулууспата иһитиннэрэр.

СӨ Судаарыстыбаннай сакаасчыт сулууспата Нам сэлиэнньэтигэр 450 миэстэлээх оскуоланы, эмтиир куорпуһу (стационар балыыһа), Модукка оскуоланы тута уонна Хамаҕаттаҕа 66 учаастактаах «Многодетнай» түөлбэ суолун-ииһин оҥоро сылдьар. Билиҥҥи туругунан тутуу үлэлэрэ былаан быһыытынан тэтимнээхтик бара тураллар.