Хаартыска Мэҥэ Хаҥалас улууһун дьаһалтатын пресс-сулууспатыттан
Бу күннэргэ тыа хаһаайыстыбатын кэпэрэтииптэрин өйүүргэ туһуламмыт Тыа хаһаайыстыбатын министиэристибэтин Гранын кыайыылаахтара ааттаннылар.
Тыа хаһаайыстыбатын кэпэрэтииптэрин өйүүр Граны Нам улууһуттан икки хаһаайыстыба ылла диэн улуус дьаһалтатын пресс-сулууспата иһитиннэрэр.
Владимир Макаров, улуустааҕы тыа хаһаайыстыбатын управлениетын салайааччыта кэпсээбитинэн: “Тыа хаһаайыстыбатын министиэристибэтин иһинэн үлэлээбит анал хамыыһыйа уопсайа 13 сайаапка киирбититтэн алта кыайыылааҕы быһаарда уонна боротокуол таһаарда. Кыайыылаахтар истэригэр Партизан нэһилиэгиттэн Степан Терешкин бэрэссэдээтэллээх “Нам-Холбос” кэпэрэтиип уонна Бөтүҥ нэһилиэгиттэн Василий Куличкин бэрэссэдээтэллээх “Бигэ” кэпэрэтиип ааттаннылар, кинилэр өйөбүл граны ылыахтара”.
Кэлэр 2025 сылга бу ылбыт көмө үптэринэн Степан Терешкин 100 ынах турар саҥа хотонун, Василий Куличкин оҕуруот аһын, хортуоппуйу харайар саҥа эбийиэги (овощехранилище) туттар былааннаахтар.
“Кэпэрэтииптэр өссө кэҥиэхтэрэ, дьон сүөһүлэрин кыһыҥҥы кэмҥэ туруоран көрдөрөр кыахтаныахтара, оҥорон таһаарар бородууксуйаларын хааччыстыбата тупсуо, элбиэ диэн эрэнэбит”, – диэтэ Владимир Макаров.
Соторутааҕыта буолан ааспыт фашизмы утарыы пуорумугар байыаннай дьайыыттан 25 бастыҥ байыас инники кирбииттэн кэлэн кыттыбыта.…
Ааспыт сууккаҕа буруйу оҥоруу 6 түбэлтэтэ бэлиэтэнэн, СӨ Борокуратууратын хонтуруолугар киирдэ. Уус Алдан улууһугар 1977…
Ил Дархан Айсен Николаев Саха Өрөспүүбүлүкэтин салалтатын уонна тус бэйэтин аатыттан Ийэ күнүнэн эҕэрдэлээтэ. -…
Бүгүн, сэтинньи 24 күнүгэр, өрөспүүбүлүкэ арҕаа, соҕуруу өттүгэр хаардыаҕа, сорох сиринэн сөкүүндэҕэ 9-14 м. түргэннээх…
Кылаан Кындыл алгыһынан, тойугунан арыйда. ''Сэргэлээх уоттара'' култуура киинигэр эдэр ырыаһыт Иоганн Матвеев бастакы айар…
Бүгүн саха эстрадатын чаҕылхай сулуһа Иоганн Матвеев бастакы кэнсиэрэ буолла. Талааннаах уолларын биир дойдулаахтара, Бүлүү…