Бэҕэһээ, бэс ыйын 13 күнүгэр, СӨ Тыа хаһаайыстыбатын уонна ас-үөл бэлиитикэтин миниистирин солбуйааччы Сахаяна Павлова Нам улууһугар үлэлээтэ.
Сахаяна Афанасьевнаны кытары үүнээйи үүннэриигэ, мелиорацияҕа уонна матырыйаалынай-тэхиниичэскэй хааччыйыыга департаменын салайааччытын солбуйааччы Василий Бессонов, бу департамент сүрүннүүр исписэлииһэ Дьулустан Харлампьев уонна СӨ Мелиорацияҕа управлениетын салайааччыта Дмитрий Махаров үлэлээтилэр.
Улуус баһылыга Юрий Слепцов тыа хаһаайыстыбатын эйгэтигэр ыытыллар үлэни-хамнаһы билиһиннэрдэ. Ол кэнниттэн бааһыналарга сылдьан, ыһыылаах бааһынай хаһаайыстыбалары көрүстүлэр.
Эһиилги бырагыраамаларга киирэр уларыйыылар, эбиилэр тустарынан сиһилии билиһиннэрэн кэпсээтилэр. Онуоха хаһаайыстыбалартан туох кыһалҕалаахтарын, этиилэрин иһиттилэр. Бааһынай хаһаайыстыбалар бэйэлэрин көрүүлэрин, туох ханнык мэхэньииһим толкуйданан киирдэҕинэ үрдүк үүнүүнү ылыахха сөбүн туһунан санааларын үллэһиннилэр.
«Былаас өттүттэн дьиҥнээхтии үлэни өрө тута сылдьар дьону кытта тус көрсөн кэпсэтэрэ, санаа атастаһара үлэ көдьүүстээх, түмүктээх буоларыгар саарбаҕа суох», — диэн «Нам улууһа» МТ пресс-сулууспата бэйэтин телеграм-ханаалыгар суруйда.
Дьокуускайга «Абырал» санаторий баазатыгар байыаннай сулууспаҕа хантараагынан сулууспалыан баҕалаахтары Биир кэлим сүүмэрдиир пууҥҥа күүтэллэр. Хантараагынан…
"Азия оҕолоро" оонньууларын боксаҕа күрэхтэһиитигэр бүгүн Саха сирин туһатыгар икки боруонса мэтээл кэллэ. Кыргыттарга Саяна…
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…
Өрөспүүбүлүкэ Ил Дархана умайа турар ойуур баһаарын иэнэ быһа холуйан 350 тыһ га диэн “Россия24”…
Өлүөнэ өрүс күнүгэр "Водоканал" хампаанньа үлэһиттэрэ өрүс кытылын хомуйдулар. Маннык аахсыйаны кинилэр сыл аайы ыыталлар.…