Хаартыска sakha.gov.ru ылылынна
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна Уус Алдан улуустарынан ааһар.
1 Нөөрүктээйи уонна Өлүөхүмэ оройуонугар Кыыллаахха быстах кэмҥэ турар постарга Өлүөнэ уутун таһыма намтаан эрэрэ бэлиэтэнэр. Ленскэй уонна Өлүөхүмэ оройуоннарыгар уу таһыма үрдээбитэ ыйыллар.
«Покровскай-Кангаласс» учаастагар уу сууккаҕа 0,3 м до 0,4 м түһэрэ бэлиэтэнэр. Чугастааҕы икки күҥҥэ уу түһүүтэ салҕаныа диэн этиллэр. Оттон «Табаҕа-Кангаласс» учаастагар уу таһыма эбиллэр.
Нам улууһугар Арбын уонна Түбэ сэлиэнньэлэр икки ардыларыгар мууһу эһии үлэтэ бэҕэһээ, ыам ыйын 18 күнүгэр ыытыллыбыта, уу таһыма улууска түһэн эрэр. Ол курдук, кэнники икки чааска 2 Хомустаахха уу таһыма 10 см, Үөдэйгэ — 7 см. түспүт. Бартыһааҥҥа, Аппааныга, Граф Биэрэгэр 6 см намтаабыт, 5 см — Бөтүҥҥэ, 4 см — Хамаҕаттаҕа уонна Ленскэй нэһилиэгэр, 2 см Никольскайга.
Чугастааҕы күннэргэ Нам улууһугар Партизаҥҥа, Кириэс Кытылга, Хатаска, Аппааныга, Кыһыл Дэриэбинэҕэ, Тумулга уу сыыйа түһэрэ бэлиэтэнэр.
Кэбээйи улууһугар Сииттэҕэ уу таһыма 92 см (кутталлаах таһым 167 см.), муус устарын кэтиилэр.
«Ньурба – Үөһээ Бүлүү» учаастагынан суукка устатыгар уу таһыма намтаабыта бэлиэтэнэр, чугастааҕы икки күн устатыгар бу салҕаныа. Индигиир өрүскэ «Уус Ньара — Хонуу» учаастагынан муус хамсааһына бэлиэтэнэр.
Өрөспүүбүлүкэҕэ сааскы халааны этэҥҥэ аһарарга кэлим миэрэлэр ылыллаллар. Быстах кэмҥэ дьону түһэрэр пууннар бэлэмнэниллибиттэр. Гидрологическай кэтээн көрүүнү ыытарга 200-тэн тахса пост тэриллибит. Нам улууһугар хас чаас аайы уу таһымын кэтээн көрөргө гидропостар эбиллибиттэр. Улууска эбии тиэхиньикэ, гаас баллоннара ыытыллыбыттар, хоромньуну ааҕаллар.
Сиһилии https://www.sakha.gov.ru/news/front/view/id/3399582 манна киирэн ааҕыҥ.
СӨ Ил Дарханын уонна Бырабыыталыстыбатын пресс-сулууспата
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…