Нам улууһугар выпускниктар спартакиадаларын ыытыы туһунан сүбэлэстилэр

Атырдьах ыйын 24-25 күннэригэр Нам улууһугар бастакытын Саха сирин выпускниктарын спартакиадата ыытыллыаҕа.

Суолталаах тэрээһини дьүүллэһэр мунньаҕы улуус баһылыга Юрий Слепцов ыытта.  Манна Альберт Соров салайааччылаах «Саха сирин выпускниктара» түмсүү уонна улуустан култуура,  успуорт управлениеларын үлэһиттэрэ кыттыыны ыллылар.

Өрөспүүбүлүкэтээҕи тэрээһин Кыһыл Дэриэбинэ пааркатыгар буолара былааннанар. Мунньах кыттыылаахтара ол сири баран көрдүлэр.

Манна сотору тэрийэр кэмитиэт мунньаҕар санаа атастаһыыта, кэпсэтиитэ буолуоҕа. Онон бу үһүн Нам сиригэр Саха сирин оскуолаларын 1978-1994 сылларга бүтэрбит выпускниктар улахан көрсүһүүлэрэ тэриллээри турар.