Нам улууһугар ыраах айан суоппардара түмсүү тэриннилэр

 Бу күннэргэ Нам улууһугар ыраах айан суоппардарын бастакы сүбэ мунньаҕа буолан ааста.

Улуус дьаһалтатын пресс-сулууспата улуустааҕы дьаһалта телеграм-ханаалыгар иһитиннэрбитинэн, тэрээһини улуус баһылыгын солбуйааччы Филипп Николаев көҕүлээн ыытта.

Кыһыннары-сайыннары ыраах айаҥҥа сылдьар үлэлээх дьон мунньахтарын сүрүн соруга – улууска ыраах айан суоппардарын түмсүүлэрин тэрийии.

Биллэн турар, түмсүү  суоппардар бэйэ-бэйэлэрин өйөһөллөрүгэр, араас уустуктары быһаарсарга олус туһалааҕа чахчы. Эһиил, 2025 сылга, ыраах айан суоппардара өрөспүүбүлэкэтээҕи ыһыахтара Нам улууһугар ыытыллара былаананнар. Онуоха саҥа тэриллибит түмсүү хамыыһыйа тэринэн,  суолталаах тэрээһиҥҥэ бэлэмнэнии үлэтин ыытыаҕа.