Нам улууһун баһылыга ууттан эмсэҕэлээбит дьон кыһалҕатын миэстэтигэр быһаарар

Нам улууһун баһылыга ууттан эмсэҕэлээбит дьон кыһалҕатын миэстэтигэр быһаарар

21.06.2024, 17:30
Хаартыска Нам улууһун дьаһалтатын пресс-сулууспатыттан
Бөлөххө киир:

Быйылгы сааскы халаан Нам улууһугар улахан хоромньуну оҥорон ааста. Ууттан эмсэҕэлээбит улууска Саха сирэ бүттүүн көмөлөстө. Ол эрээри, алаһа дьиэлэрэ-уоттара, маллара-саллара алдьаныыта, эмсэҕэлээһинэ, сүөһүлэрэ, сылгылара, о.д.а. баайдара сүтүүтэ-өлүүтэ – туохха да кэмнэммэт.

Бу нэдиэлэттэн Нам улууһун баһылыга Юрий Слепцов халаан уутуттан эмсэҕэлээбит дьону кытта сирэй көрсөн, ким-туох кыһалҕалааҕын тутатына миэстэтигэр быһаарар сыалтан, нэһилиэктэргэ тиийэн үлэлээтэ.

Бэҕэһээ, бэс ыйын 20 күнүгэр, Юрий Слепцов киэһэ Бөтүҥ нэһилиэгэр халаан уутугар дьиэлэрэ-уоттара, маллара-саллара былдьаммыт олохтоохтору кытта көрүстэ диэн Нам улууһун дьаһалтатын пресс-сулууспата иһитиннэрэр.

Көрсүһүүгэ нэһилиэк баһылыга Михаил Макаров чөлүгэр түһэрии үлэлэрин туһунан билиһиннэрдэ. Баһылык иһитиннэрбитинэн, икки дьиэ улаханнык эмсэҕэлээн өрөмүөннэнэр кыаҕа суох буолбут.

Олохтоохтор дьиэ өрөмүөнүгэр көрүллүбүт көмөнү хайдах быһыылаах туһаналларын, олоччу урусхалламмыт, кыайан өрөмүөннэммэт дьиэлэргэ көмө бэрээдэгэ хайдах буоларын, икки дьиэлээх дьон көмөнү ханнык түгэҥҥэ ылалларын ыйыталастылар. Маны сэргэ өрөмүөҥҥэ ананан кэлбит көмө үбүнэн үрдүк сиргэ уһаайба ылан, быйыл ууга барбыт Чоомуос кыбаарталтан дьиэни көһөрүөххэ сөп дуо диэн туоһуластылар.

Улуус баһылыга киирбит ыйытыыларга сиһилии хоруйдаата, эбии быһаарыылары биэрдэ. Мунньах кыттыылаахтара тирээн турар кыһалҕаларыгар толору хоруйдары ылан астынан тарҕастылар, көмөлөспүт бар дьоҥҥо барҕа махталларын тиэртилэр.

Кэлэр нэдиэлэҕэ улуус баһылыга Маймаҕаҕа уонна өрүс уҥуор сытар нэһилиэктэргэ үлэлиирэ былааннанар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: