Бу күннэргэ Нам улууһун баһылыга Юрий Слепцов дьаһалта эппиэттээх исписэлиистэрин кытта 2-с Хомустаахха, Хатырыкка, Модукка, Граф Биэрэгэр сааскы халаантан дьиэлэрэ эмсэҕэлээбит олохтоохтору кытта көрүстэ.
Оробуочай бөлөх сырыытын сүрүн соруга – дьиэлэрэ толору эмсэҕэлээн, федеральнай бүддьүөттэн саҥа дьиэ атыылаһыытыгар, дьиэ тутуутугар төлөбүр ылар олохтоохтору кытта илэ көрсөн, утары олорон кэпсэтии, быһаарыы, сырдатыы, чуолкайдааһын үлэтин ыытыы.
Улуус дьаһалтатын пресс-сулууспата иһитиннэрбитинэн, биир дойдулаахтарын кытта атах тэпсэн олорон кэпсэтэн баран, улуус баһылыга Юрий Слепцов маннык бэлиэтээһиннэри оҥордо:
— Халаантан эмсэҕэлээбит нэһилиэктэр, улуус, өрөспүүбүлүкэ салалталара биир ситимнээх үлэни ыыталлара көстөр. Чааһынай дьиэ тутуутунан дьарыктанар урбаанньыттары ыҥыран кэпсэтии түмүгэр, тутуунан дьарыктанар тэрилтэлэр саҥа толору хааччыллыылаах дьиэлэри тутан, федеральнай төлөбүр түһэн төлөнүөр диэри бэйэлэрин үптэринэн – анал дуогабар быһыытынан дьон тута киирэн олороллорун курдук үлэ барыаҕа. Никольскай уонна Хамаҕатта нэһилиэктэригэр дьиэ туттар ыалларга уһаайба бэриллиэҕэ. Хатыҥ Арыы нэһилиэгин дьаһалтата «Озернай» кыбаарталга Граф Биэрэгин халаан уутуттан дьиэлэрэ эмсэҕэлээбит олохтоохторугар уһаайба биэрбит. Хатырык, 2-с Хомустаах нэһилиэктэригэр дьиэ туттуон баҕалаахтарга уһаайба биэриитин туһунан кэпсэтии бара турар.
Көрсүһүүгэ кэлбит дьон элбэх араас, мунаарар ыйытыктарын биэрэн, толору хоруйу ылан, өрүттэр икки өттүттэн көдьүүстээх кэпсэтиини ыыттылар.
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…
Балаҕан ыйын 20 күнүгэр, Намҥа Судаарыстыбаннай филармония симфоническай оркестрын кэнсиэрэ буолуоҕа. (далее…)
Бу күннэргэ Дьокуускай куоракка Таатта улууһун баһылыга Айаал Бурцев уонна СӨ Гуманитарнай наука уонна Хотугу…