Хаартыска: СИА, Андрей Сорокин түһэриитэ
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи брифинг кэмигэр сааскы көмүөл балаһыанньатын билиһиннэрдэ.
— Ыам ыйын 20 күнүгэр, киэһэ ууттан Өлүөхүмэ, Ньурба улуустара олоччу уонна Нам улууһун сорох сирдэрэ босхолоннулар.
Өлүөнэ өрүс билиҥҥитэ Кэбээйи улууһугар эстэн эрэр. Сангар бөһүөлэгэр муус хойуу. Алдан өрүстэн уу салгыы тахсар, онон сибээстээн Кэбээйи улууһун Арҕас уонна Нам улууһун Арбын сэлиэнньэлэригэр уу таһыма үрдүү турар.
Нам улууһун Бартыһаан, Үөдэй, Никольскай сэлиэнньэлэригэр уу таһыма кутталлаах көрдөрүүттэн түстэ. Атын нэһилиэнньэлээх пууннарга эмиэ сыыйа уу түһэрэ бэилэтэнэр.
Чугастааҕы икки сууккаҕа Бүлүү Өлүөнэҕэ түһэрэ күүтүллэр. Суһал бөлөх кэтээн көрөр.
Дьааҥы өрүскэ нуорматтан үс суукканан эрдэлээн муус барыыта Верхоянскай куоракка саҕаланна. Өрүс эстэригэр уу таһыма нуорматтан 1 миэтэрэ намыһах. Баатаҕай бөһүөлэгэр кэлэр сууккаҕа муус барара күүтүллэр.
Халыма өрүскэ Орто Халыма куораттан аллараа сарсыарда тилэри харыан сөптөөх муус араҥата бэлиэтэммитэ. Суһал ыстаап муус харар кутталлаах Загорсовскай Таас учаастагар эһиннэрии үлэтин ыыппыта, — диэн эттэ.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…