Хаартыска: Нам улууһун дьаһалтатын пресс-сулууспата
Байыаннай дьайыы кыттыылаахтарыгар көмө салҕанар. Бу нэдиэлэ саҕаланыыта Нам улууһун дьокутааттарын сэбиэтин бэрэссэдээтэлэ Алексей Винокуров Санкт-Петербург куорат госпиталыгар бааһыран эмтэнэ сытар байыастарбытыгар анаан ынах-сылгы этин хомуйуу аахсыйата саҕаламмытын биллэрбитэ диэн Нам улууһун дьаһалтатын пресс-сулууспата иһитиннэрэр.
Бу аахсыйаҕа ким баҕалаах кыттыан сөп. Бастакынан көмөнү улуус дьаһалтатын бэйэни салайыныы уорганын кытта үлэҕэ, тэрийэр уонна каадыр үлэтин управлениета (нач. Мария Макарова) аҕалан туттарда.
Аахсыйаҕа Нам улууһун тэрилтэлэрэ, биирдиилээн дьон көхтөөх кыттыыны ылыахтара диэн улуус дьаһалтата эрэнэр.
Бу көмө госпиталга эмтэнэ сытар биир дойдулаахтарбытыгар тиэрдиллиэҕэ, волонтердар миэстэтигэр ас буһаран байыастарбытын күндүлүөхтэрэ.
Аҕалар аскытын салапааҥҥа, дьааһыкка ыйааһынын суруйан аҕалар ордук. Сиһилии билсэр нүөмэргит: 8-924-462-64-47 (Матрена Ильинична).
Горнай улууһугар "100 сыл оҕолоро" хапытаалы 187 ыал ылан туһанна. Манна өрөспүүбүлүкэ бүддьүөтүттэн 9,8 мөлүйүөн…
Дьокуускай куорат борокуратуурата олохтоох дьахтарга холуобунай дьыала буруйдуур түмүгүн бигэргэттэ. Кини Холуобунай кодекс 105 ыстатыйатын…
ХИФУ Археологияҕа уонна этнографияҕа түмэлигэр ураты эспэнээт баар – хойукку неолит кэмигэр 4 тыһыынча сыл…
Бүгүн ыраах суоллаах-иистээх Аллайыаха улууһун Бөрөлөөх нэһилиэгэр улуус баһылыга Я.Г.Елисеев отчуота буолан ааста. Яков Гаврильевич…
Социальнай архитектордар куонкурустара РФ Бэрэсидьиэнэ Владимир Путин сорудаҕынан ыытыллар. Социальнай суолталаах бырайыактары олоххо киллэриигэ, ону…
Саха сирин суһал ыстааба Аҕа дойдуну көмүскээччи күнүгэр анаан байыаннай сулууспалаахтарга хас да тыһыынча бэлэҕи…