Нам улууһун дьаһалтатын телеграм-ханаалыттан.
Бэҕэһээ, алтынньы 9 күнүгэр, Нам улууһун И.Е. Винокуров аатынан Хатыҥ Арыы орто оскуолатын баазатыгар «Жатайдааҕы судоверфь» тэрилтэ уонна Жатайдааҕы техникум уу суудунатын тутууга үөрэтэр фирменнэй кылааһы арыйар үөрүүлээх түгэннэрэ буолла. Бу туһунан Нам улууһун дьаһалтатын телеграм-ханаала иһитиннэрэр.
Жатайдааҕы суудунаны тутар собуот күн бүгүн 70% бэлэм. Биир сылга уонча устар аалы оҥорорго элбэх үлэһит илии наада. Собуокка үлэлииргэ 600 үлэһити бэлэмниэхтээхтэр. Онуоха эрдэттэн идэҕэ хайысхалаан оскуолаларга фирменнэй кылаастары арыйар сыал-сорук турбута.
Бу сайын тыа сирин оскуолаларын педагогическай дьаарбаҥкатын кэмигэр “Нам улууһа” МТ баһылыга Юрий Иннокентьевич Слепцов “Жатайдааҕы судоверфь» АО уонна Жатайдааҕы тиэхиньикум салалталарын кытта Хатыҥ Арыы орто оскуолатын баазатыгар уу суудунатын тутууга үөрэтэр фирменнэй кылааһы арыйыыга бииргэ үлэлээһин сөбүлэҥэр илии баттаспыта. Маннык кылаастар Саха мирин 11 оскуолатыгар үлэлиэхтээхтэр, ол иһигэр — Хатыҥ Арыы орто оскуолатыгар.
Саҥа тэриллибит кылааска физика учуутала Мунхалова Лена Сергеевна кураатардаах 26 уол үөрэниэҕэ диэн Нам улууһун дьаһалтатын пресс-сулууспата иһитиннэрэр.
Саха сириттэн -50 кыраадыс тымныыттан тиийбит “Саха”НКИХ ыытааччыта Олег Колесов-Талбан бастаан киинэ туһунан эттэ, онтон…
Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл…
2025 сыл түмүктэринэн Арассыыйа тыатын хаһаайыстыбатыгар үрдүк түмүктэри көрдөрдө. Бу туһунан дойду Бэрэсидьиэнэ Владимир Путин…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Бүгүҥҥү сылы түмүктүүр быһа эпииргэ Арассыыйа Бэрэсидьиэнэ Владимир Путин дойду Украинаҕа буола турар иирсээни быһаарарга…
РФ Бэрэсидьиэнэ Владимир Путин кэмпириэнсийэтэ көхтөөхтүк, сэргэхтик саҕаланна. Ыйытыылар киирэ тураллар. Олортон биирдэстэринэн "Дьоруойдар кэмнэрэ"…