Хаартыска уонна видео -- Олег Николаев тиксэриитэ
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору куттала суох сиргэ көһөрүү салҕанар.
Бу туһунан баһылык эбээһинэһин быстах кэмҥэ толорооччу Артур Ноговицын иһитиннэрдэ:
— Балаһыанньа билигин да уустук. Уу киирэ турар. Нэһилиэкпит аан бастаан 1998 сыллаахха, онтон 2010 сылга ууга ыллара сылдьыбыта. Онно да үс-түөрт эрэ дьиэ тиэргэнэ ууга барбыта. Оттон быйыл улахан уу эмискэ кэлиитэ олус соһуччу буолла. Улууспут халааҥҥа ылларар оройуоннар ахсааннарыгар киирэр буолан, эрдэттэн хайысхаларынан хамыыһыйалары, суһал ыстаабы тэринэн бэлэмнэммиппит. Билигин ол хамыыһыйаларбыт, ыстааппыт тэтимнээх үлэни ыыталлар. Биһигини кытта Ил Түмэн дьокутаата Александр Атласов, улуус салалтатыттан, тыа хаһаайыстыбатын управлениетыттан эппиэттээх исписэлиистэр кэлэн үлэлэһэ сылдьаллар. Маны таһынан, быыһааччылар, ОДьКХ, сибээс, гаас сулууспаларын исписэлиистэрэ эмиэ үлэлииллэр. Сорох нэһилиэк кытыытыгар олорор дьон хаайтаран олороллор. Онон кинилэри быыһыыр, сүөһүлэри куттала суох сиргэ таһаарар үлэ бара турар.
Быыһаммакка хаалан, ууга былдьаммыт сүөһү ахсаанын ааҕа сылдьабыт. Нэһилиэкпит киин уулуссата эрэ арыыланан хаалла. Онно бары мустан эрэбит.
Икки нэһилиэгинэн – Хатырыгынан уонна Маймаҕанан улахан уу кэлэн, быыһааччыларбыт икки сиринэн үлэлииллэр.
Кэлэн иһэр саргылаах Саҥа дьылы көрсө Үрүҥ Айыы сылынан (Кытай халандаарынан – Кыһыл ат сыла)…
Саха сиригэр суукка иһигэр буруйу оҥоруу туһунан икки иһитиннэрии бэлиэтэннэ. Бу туһунан СӨ Борокуратуурата иһитиннэрэр.…
Ахсынньы чахчы да аам-даам тымныыта күүһүрэн, нэдиэлэттэн ордук кэм устата 1-8 кылаас оҕолоро Дьокуускайга,…
Айсен Николаев социальнай суолталаах ас-үөл табаардарын тиэйиини тэрийиигэ мунньах ыытта уонна Арктика улуустарын олохтоохторугар дьоҕус…
Бүгүн, ахсынньы 28 күнүгэр, «Саха» ГТРК ханаалга үгэс буолбут «Айсен Николаевтыын сыл түмүктэрэ» биэрии тахсыаҕа.…
Арассыыйа норуоттарын сомоҕолоһууларын сылыгар Саха сиригэр 60-тан тахса тэрээһини ыытарга былаанныыллар. Сүрүн тэрээһиннэр бырайыагын СӨ…