Нам улууһун ходуһаларыгар от үлэтин үгэнэ

Бу күннэргэ өрөспүүбүлүкэ бары улуустарыгар күргүөмнээх от үлэтин үгэнэ.

«Нам улууһа» МТ пресс-сулууспата иһитиннэрбитинэн,  улууска  бары көрүҥнээх хаһаайыстыбалар ходуһаҕа тахсыылаахтык үлэлии сылдьаллар.  Окко барыта 400-тэн тахса звено киирдэ. Быйылгы  үөһээ алаас сирдэр курааннаан, отчуттар аллараа арыыга оттууллар. Улуус быйылгы былаана эмиэ былырыыҥҥы курдук. — 27500 тыһ. туонна от.  Сиһилии улуустааҕы тыа хаһаайыстыбатын управлениетын салайааччыта Владимир Макаров маннык кэпсиир:

Бүгүҥҥү күҥҥэ 1200 кэриҥэ га сиргэ 1008,3 туонна от бэлэмнэннэ. От былаанын ситэрэргэ, толорорго чугас эргин мобильнай биригээдэлэри ыытан оттотор сорук турар.