Нам улууһун икки көлүөнэ сүүрүгэ улуустарын чиэһин көмүскээтилэр

Бу күннэргэ Улуу Кыайыы 80 сылын чэрчитинэн өрөспүүбүлүкэ улуустарыгар, нэһилиэктэригэр сүүрүү күрэхтэһиилэрэ буоллулар. 

Ыам ыйын 2 күнүгэр Нам улууһун сүүрүктэрэ Тулагыга ыытыллыбыт «Кыайыы сүүрүүтэ» тэрээһиҥҥэ ситиһиилээх кыттыыны ыллылар. Улуус икки  көлүөнэ бастыҥ спортсмена — Үөдэйтэн бэтэрээн сүүрүүк Александр Новгородов уонна  Ленскэй нэһилиэгин  кэскиллээх ыччата Станислав Саввинов   улуустарын чиэһин көмүскээн,  Улуу Кыайыыны аҕалбыт буойуттар албан ааттарыгар сүгүрүйдүлэр.