Хаартыска: Лариса Тимофеева / Нам улууһун дьаһалтатын пресс-сулууспата.
Балаҕан ыйын 2 күнүттэн Нам—Хамаҕатта—Нам, Нам—Аппааны—Граф Биэрэгэ—Аппааны—Нам туһаайыыларынан уонна Ленскэй нэһилиэк иһигэр икки хайысханан дьону таһыыга маршрутнай оптуобус сырыыта саҕаланыаҕа.
«Нам улууһа» МТ салалтата уонна анал хамыыһыйа, суолунан куттала суох айанныыры хааччыйар Намнааҕы сулууспаны (ГИБДД), «Нам улууһа” МТ экэнэмиичэскэй сайдыытын управлениетын уонна хапытаалынай тутуу салаатын кытта ситимнээхтик үлэлээн, суолу-ииһи чинчийэн, суолга куттал суох буолууну хааччыйыы боппуруостарын дьүүллэһэн, тохтобуллары, маршруттары олохтооһуҥҥа олохтоохтор этиилэрин, санааларын учуоттаан, улуус олохтооругар олус наадалаах сырыы олохтонно.
«Нам улууһа” МТ пресс-сулууспата иһитиннэрэринэн, быйыл Нам улууһугар анал бырагырааманан федеральнай бүддьүөт үбүлээн, икки саҥа пассажирдары таһар ПАЗ – 32053 оптуобус кэлбитэ. Көлөлөр «Ленскэй нэһилиэк” МТ балаансатыгар тураллар, МАУ «АРТ» тэрилтэ үлэлэтэр.
Айан төлөбүрүн сыаната: Нам-Аппааны – 50 солк., Нам-Граф Биэрэгэ – 55 солк., Нам-Хамаҕатта – 50 солкуобай. Улуустааҕы дьаһалта телеграм-ханаалыгар оптуобустар расписаниелара таҕыста.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…