Салгыы
Нам улууһун нэһилиэктэрин икки ардыларыгар ыытыллыбыт сайыҥҥы комплекснай спартакиада түмүктэннэ

Нам улууһун нэһилиэктэрин икки ардыларыгар ыытыллыбыт сайыҥҥы комплекснай спартакиада түмүктэннэ

24.06.2024, 18:15
Хаартыска Нам улууһун пресс-сулууспатыттан
Бөлөххө киир:

Бэс ыйын 23 күнүгэр Нам улууһун нэһилиэктэрин икки ардыларыгар ыытыллыбыт сайыҥҥы комплекснай спартакиада үһүс бүтэһиктээх түһүмэҕэ түмүктэннэ.

Күрэхтэһээччилэр 3 күн устата успуорт 9 көрүҥэр көхтөөхтүк кытыннылар диэн Нам улууһун дьаһалтатын пресс-сулууспата иһитиннэрэр. Спартакиадаҕа уопсайа 11 нэһилиэктэн 800-тэн тахса спортсмен кыттыыны ылбыта улууска успуорт сайыҥҥы көрүҥнэрэ сайдан эрэллэрин туоһулуур.

Ол курдук, пневматическай бинтиэпкэнэн, оҕунан ытыыга, гиирэ успуордугар, мас тардыһыытыгар, хапсаҕайга, чэпчэки атлетикаҕа,  ыстаныыга, хабылыкка, хаамыскаҕа, национальнай многоборьеҕа күрэхтэр олус тыҥааһыннаахтык бардылар. Улуус нэһилиэктэрэ көхтөөхтүк кыттыбыттара успуорт бу көрүҥнэрэ кэскиллээхтэрин көрдөрөр.

Кэнники сылларга нэһилиэнньэ чөл, доруобай олохтоох буоларыгар улахан болҕомто ууруллар буолбутунан, нэһилиэктэр баһылыктарын, успуорт саалалар дириэктэрдэрин, успуорт инструктордар үлэлэрин бэлиэтиэххэ сөп. Кинилэр хамаанданы түмэн, күрэхтэһиини көтүппэккэ кытыннаран, дойдуларын чиэһин туһугар улахан үлэни ыытталлар.

       

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
14 июля
  • 19°C
  • Ощущается: 19°Влажность: 77% Скорость ветра: 1 м/с

Сообщить об опечатке

Текст, который будет отправлен нашим редакторам: