Нам улууһун Партизан нэһилиэгин бибилэтиэкэтигэр бэйиэт Анна Парникова-Сабарай Илгэ аата иҥэрилиннэ

Бүгүн, муус устар 17 күнүгэр, Нам улууһун Партизан нэһилиэгин модельнай бибилэтиэкэтигэр бэйиэт Анна Парникова-Сабарай Илгэ аата иҥэрилиннэ.

Тээрэһиҥҥэ Нам улууһун баһылыгын социальнай боппуруостарга солбуйааччы Егор Протопопов, Партизан нэһилиэгин баһылыга Алексей Зырянов, улуустааҕы култуура уонна духуобунай сайдыы управление салайааччытын солбуйааччы Александра Новгородова, улуус бибилэтиэкэлэрин дириэктэрин солбуйааччы Александра Никонова кыттыыны ыллылар.

Маны сэргэ, тэрээһиҥҥэ «Отуу уота» литературнай түмсүү чилиэттэрэ кыттыыны ыллылар. Бэйиэт Анна Парникова бииргэ төрөөбүт балта, Хамаҕатта нэһилиэгин «Түһүлгэ» киинин салайааччыта, СӨ култууратын туйгуна Антонина Харитонова эдьиийдэрин, Партизан нэһилиэгин ытык киһитэ Анна Алексеевна Парникова аатын үйэтитиигэ үлэлэспит бар дьоҥҥо махталын тиэртэ. Бу бэлиэ күн бэйиэт Анна Парникова төрөөбүт күнүгэр ыытыллыбыта өссө улахан суолталанна диэн Нам улууһун пресс-сулууспата иһитиннэрэр.