Хаартыска: Нам улууһун дьаһалтатын ТГ-ханаала.
Бу күннэргэ Нам улууһугар от ыйынааҕы халаантан эмсэҕэлээбит Өймөкөөн улууһун олохтоохторун дьиэлэрин чөлүгэр түһэриигэ таһаарыылаахтык үлэлээбит тутуу биригээдэтин дьонун чиэстээтилэр.
Өймөкөөнтөн 7 км тэйиччи турар Биэрэк Үрдэ диэн нэһилиэккэ биригээдэ үс бөлөххө арахсан, намнар 4 чааһынай дьиэни өрөмүөннээбиттэр. Ол курдук, бастакы бөлөх 16×9 кв.м иэннээх дьиэ акылаатын, истиэнэлэрин уларыппыт. Иккис бөлөх Намтан төрүттээх Артур Уваровскай дьиэтин акылаатын баалкытын уонна муостатын маһын уларыппыт. Үһүс бөлөх 2 дьиэ акылаатын баалкытын уларыппыт, акылааттарын көтөхтөрөн тэҥнээн биэрбит уонна күрүө-хаһаа оҥорбут.
Улуус баһылыга Юрий Слепцов биригээдэ дьонугар истиҥ махталын тиэрдэн туран “2024 сыл сааһыгар улууспут нэһилиэктэрэ халаан уутуттан улаханнык эмсэҕэлээбиттэригэр өрөспүүбүлүкэ араас улуустарын уонна куораттарын олохтоохторуттан, тэрилтэлэртэн, урбаанньыттартан, министиэристибэлэртэн, биирдиилээн дьонтон элбэх гуманитарнай уонна үбүнэн-харчынан көмө оҥоһуллубута. Элбэх чөлүгэр түһэрии, ыраастааһын үлэлэр ыытыллан, кыстыкка этэҥҥэ киирбиппит. Үтүө санаанан салайтаран оҥоһуллубут көмөнү улуус дьаһалтата, улууспут дьоно-сэргэтэ умнубат” диэн бэлиэтээтэ.
Баһылык тутуу биригээдэтигэр түөскэ анньыллар бэлиэни, Бочуоттаах кырааматаны, Махтал суруктары, сэмэй бэлэхтэри туттарда.
Тохсунньу тоһуттар тымныытыгар табаһыттар хайдах үлэлииллэрэ буолла диэн киһи хайдах эрэ чаҕыйа саныыр. Ол эрээри, үлэ-хамнас сөпкө тэриллибит, үчүгэй салайааччылаах хаһаайыстыбалар саҥа 2026 сылга этэҥҥэ үктэннилэр. Эбээн Бытантай улууһугар “Кочевник” көс аҕа ууһун общината 2009 с. тэриллэн үлэлиэҕиттэн, үгүс эдэр дьону табаһыт уустук идэтигэр уһуйда. Ол саҕана саҥа тэриллэр кэмнэригэр 800-чэ табаны ылан, үлэлээн барбыттар.…
Ыччат дьон маатыраны күннээҕи туттар тылларыгар кубулутан эрэриттэн сонньуйабыт. Биир үтүө күн Күһүөрү биир үтүө күн үлэбиттэн дьиэбэр бараары оптуобуска…
Кириһиэнньэ кэмигэр, тохсунньу 18-19 күннэригэр, таҥара дьиэтигэр иһиттээх тиийэн сибэтиэй ууну ылыы, чардаат алларан ууга…
Быйыл Арассыыйа Бэчээтин күнүгэр биһиги биир идэлээхпит, “Сахамедиа” генеральнай дириэктэрин солбуйааччы, суруналыыс, политолог Чокуур Гаврильев…
Сарсын, тохсунньу 19 күнүгэр – Кириһиэнньэ. Бу күн туох көҥүллэнэр, бобуллар? Кириһиэнньэнэн күнү-дьылы хайдах билгэлииллэр?…
2000 сыллар саҥаларыгар төрөппүттэрим кыһын куоракка айаннаан иһэн суолга моһуогурбуттара. Онуоха амарах санаалаах Нуораҕана дьоно өрүһүйэн, аҕам түүннэри гарааска массыынатын оҥостон, киин сири булбуттарын саныыбын.…