Хаартыска -- Нам улууһун дьаһалтатын телеграм-ханаалыттан.
Аҕа дойду Улуу сэриитин кэмигэр саамай хаан тохтуулаах кырыктаах кыргыһыы Ржев куорат аттыгар буолбута.
Бу куорат сиригэр-уотугар икки тыһыынчаттан тахса саха дьоно хорсуннук сэриилэһэн, олохторун толук уурбуттара. Ржев куорат көмүскээччилэригэр — Саха сириттэн сылдьар буойуннары сирэйдээн, Арассыыйа бары норуоттарын чулуу уолаттарын хорсун быһыыларын, сомоҕолоһууларын көрдөрөргө туһуламмыт Мемориал-пааматынньыгы Филькино дэриэбинэҕэ туруорбуттара.
Ржевскэй оройуон уонна Нам улууһа доҕордуу сибээһи 1985 сылтан ыла тутуһаллар. Нам улууһун салалтата биир дойдулаахтарын — хорсун сэрииһиттэри кэриэстээн, Ржев куораты босхолооһуҥҥа сэриилэспит дьону үйэтитиигэ үгүс үлэни ыыппыта. Ол курдук, Нам сэлиэнньэтигэр Ржевскэй уулуссаҕа Ржев куораты босхолооһуҥҥа өлбүт буойуннарга анаммыт искибиэр баар.
Улуу Кыайыы күнүн көрсө ыам ыйын 7 күнүгэр Филькино дэриэбинэҕэ Аҕа дойду Улуу сэриитин кэмигэр Ржев сирин босхолооһуҥҥа хорсуннук сэриилэһэн охтубут саха буойуннарыгар анаммыт Мемориал-пааматынньыкка сибэкки дьөрбөтүн ууран, Кэриэстэбил миитинэ буолла. Суолталаах тэрээһиҥҥэ Нам улууһун баһылыга Юрий Слепцов уонна Ленскэй нэһилиэгин баһылыга Петр Сокольников кыттыыны ыллылар.
«Саха буойуннарын кэристээһин «Ким да умнуллубат, туох да умнуллубат» девиһинэн ыытылынна», — диэн улуус дьаһалтатын пресс-сулууспата иһитиннэрдэ.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…