Хаартыска: "Нам улууһа" МТ пресс-сулуууспата
Нам улууһугар былырыын эмискэ халааннаан, үгүс нэһилиэккэ улахан хоромньуну аҕалбыта.
Онон намнар быйыл эрдэттэн сэрэтэр үлэни ыытыыга ылыстылар. Бэҕэһээ, кулун тутар 12 күнүгэр, улуустааҕы ыксаллаах быһыыны-майгыны сэрэтэр уонна куттал суох буолуутун хааччыйар хамыыһыйа мунньаҕа буолла. Улууска сааскы халаан уута кэлэригэр бэлэмнэнии уонна ойуур баһаардарын сэрэтии үлэлэр боппуруостарыгар мунньаҕы улуус баһылыга Юрий Слепцов салайан ыытта.
Улуус дьаһалтатын пресс-сулууспата иһитиннэрбитинэн, 2024 сылтан улууска 16 нэһилиэнньэлээх пуун ууга барар зонаҕа киирэр. Мунньахха гражданскай оборона уонна ыксаллаах быһыы-майгы кылаабынай исписэлииһэ Николай Монастырев, Намнааҕы ГИМС салайааччыта Вячеслав Мохначевскай, «Якутлесресурс» Намнааҕы филиалын салайааччыта Георгий Захаров, надзордуур уонна сэрэтэр үлэни ыытар Намнааҕы отделение салайааччыта Марина Федорова, тыа хаһаайыстыбатын управлениетын салайааччыта Владимир Макаров бэйэлэрин хайысхаларынан үлэ хаамыытын билиһиннэрдилэр.
Халаан уутугар уонна ойуур баһаарыгар эмсэҕэлиэн сөптөөх нэһилиэктэр баһылыктара хайдах үлэ-хамнас баран иһэрин, ыксаллаах быһыы-майгы тахсар түбэлтэтигэр төһө бэлэмнээхтэрин, баар кыһалҕалары иһитиннэридилэр. Ол курдук, халааны этэҥҥэ аһардарга бэлэмнэнии үлэтин докумуоннара, даамбалар туруктарын, быстах кэмҥэ дьону олордор сирдэргэ усулуобуйа, халаан кэмигэр сүөһүнү-сылгыны быстах кэмҥэ хаайар пууннар (ПВС) тэриллиилэрин, дьиэни-уоту, сүөһүнү-сылгыны страховкалатааһын уо.д.а. боппуруостар болҕомто киинигэр турдулар.
Улуус баһылыга Юрий Слепцов хас биирдии тэрилтэ, нэһилиэк дьаһалтата эппиэтинэһи толору өйдөөн халаан уута кэлиитигэр толору бэлэмнээх буоларыгар соругу туруорда. “Халааҥҥа бэлэмнэнии үлэни барытын чуолкайдык уонна бириэмэтигэр былаан быһыытынан толоруохтаахпыт” диэн сорук туруорда, тустаах дьаһаллары биэрдэ.
Мунньах түмүгүнэн оҥоһуллубут боротокуолга сааскы халааны этэҥҥэ аһарыыга уонна бэлэмнээх көрсүүгэ, ойуур баһаардарыттан харыстаныыга сэрэтии үлэтин ыйдылар.
Кэлэр нэдиэлэ саҥатыгар, кулун тутар 17 күнүгэр, Ил Дархан Айсен Николаев таһымыгар бу боппуруоска куйаар ситиминэн мунньах ыытыллыаҕа. Онон намнар бу мунньахха көхтөөхтһүк кыттарга бэлэмнэр.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …