Хаартыска: Ил Дархан пресс-сулууспата
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар көрдүлэр. Мунньаҕы өрөспүүбүлүкэ гражданскай оборона дьыалаларыгар уонна нэһилиэнньэҕэ куттал суох буолуутун хааччыйыыга миниистирэ Дмитрий Лепчиков ыытта.
Өлүөнэ өрүскэ харыы көстүүтэ бэлиэтэммэтин да иһин, Нам улууһун Маймаҕа, Тумул уонна Остуолба нэһилиэнньэлээх пууннарыгар уу таһыма үрдүүр. Онон сибээстээн, нэһилиэнньэҕэ куттал суоһаабатын хааччыйыыга уонна халааны сэрэтиигэ тустаах дьаһаллар ылыллыбыттара. Ол курдук, улууска эбии күүс уонна тиэхиньикэ ыытыллыбыта. Быстах кэмҥэ олорор пууннар үлэлииллэр, ынаҕы, сылгыны үөһээ сиргэ таһаарарга сорудах бэриллибитэ. «Нам» массыына суолун учаастагын уу ылбытынан сибээстээн, суол 105-130 килэмиэтиригэр айан сырыыта хааччахтанна.
Мунньахха этиллибитинэн, Бүлүү өрүскэ харыы суох оҥоһуллубутун кэнниттэн Сата Арыыга муус халҕаһата күүскэ хамсаата. Халыма өрүскэ Орто Халымаҕа муус хамсааһына саҕаланна. Үөһээ Халыма улууһун сиригэр-уотугар Халыма өрүскэ муус күүскэ барар.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…