Нам улууһун талааннаах тарбахтара быыстапкаларын туруордулар

Бу күннэргэ Нам улууһугар XIV-с төгүлүн «Якутия мастеровая» быыстапка-дьаарбаҥка ыытылынна диэн «Нам улууһа» МТ пресс-сулууспата иһитиннэрэр.

Нам улууһун талааннаах тарбахтаах маастардарын хатыламмат оҥоһуктара дьүүллүүр сүбэ сэҥээриитин ылыан ылла, «Саха сирин уус-уран оҥоһуктарын маастара» ааты Хатыҥ Арыыттан Дария Ивановна Мальцеваҕа уонна Үөдэйтэн сылдьар Вера Васильевна Тимофееваҕа иҥэрилиннэ.

Нам сэлиэнньэтиттэн Анастасия Петровна Герасимова уонна Иван Васильевич Винокуров «Туоһу таҥастааһын» номинацияҕа 1-кы миэстэни ылары ситистилэр. Хамаҕаттаттан Руслан Захаровка «Удьаа хамыйах» күрэх түмүгүнэн «Бастыҥ оһуор» анал аат иҥэрилиннэ.

Руслан Захаров («Керамика»), Лариса Тавакалова («Туристическай сувенир»), Матрена Захарова («Сылгы сиэлинэн өрүү»), Мария Аманатова («Сахалыы иистэнии»), Мария Зырянова, Григорий Жирков («Туоһу таҥастааһын «) грамотанан бэлиэтэннилэр.