Хаартыска - Лариса Тимофеева
Бүгүн, ыам ыйын 26 күнүгэр, Арассыыйа предпринимателлэрин күнүн чэрчитинэн Нам улууһугар араас тэрээһиннэр буоллулар.
Бу туһунан «Нам улууһа» МТ дьаһалтатын пресс-киинин үлэһитэ Лариса Тимофеева бу курдук иһитиннэрдэ:
— «Нам улууһа – урбаан сайдыытын киинэ» өрөспүүбүлүкэтээҕи пуорум чэрчитинэн тэриллибит үөрэх былаһааккаларыгар улуус урбаанньыттара араас сэминээрдэргэ, маастар-кылаастарга сырыттылар, лиэксийэлэри иһиттилэр.
Ол курдук, урбаанньыттар туризм салаатыгар биир кэлим үлэни тэрийии, уопсастыбаннай аһыыр сирдэргэ дьону аһатыыга сонун сүүрэннэри тобулуу, турбазаларга дьону сынньатыыга сахалыы тыыны киллэрии, агростартап уонна агротуризм курдук туризм көрүҥнэригэр гранынан өйөбүл боппуруостарыгар сүбэ-ама ыллылар.
Тэрээһиҥҥэ атын улуустартан кэлбит урбаанньыттар кыттан, бэрт көхтөөх, дириҥ ис хоһоонноох дьыалабыай кэпсэтии буолла. Урбаан эйгэтигэр үлэлиир дьон сонун сүүрээннэри, кэрэхсиир өрүттэрин ымпыгар-чымпыгар дылы ырыттылар, санааларын атастастылар. Хас биирдии спикер тиэмэлэрин сиһилии ырытан, урбаанньыттары кытта санаа атастаһыытын көҕүлээтилэр. Онон өрүттэр икки өттүттэн бүгүҥҥү тэрээһини олус көдьүүстээҕинэн билиннилэр.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…