Нам уонна Уус Алдан улуустарыгар муус барыыта бэлиэтэннэ
![](https://sakha-sire.ru/wp-content/uploads/2023/05/ledohod-1060x596.jpg)
Өрөспүүбүлүкэ суһал ыстааба биллэрэринэн, Өлүөнэ өрүскэ муус күүскэ хамсааһына Өлүөхүмэ, Хаҥалас, Нам, Уус Алдан улуустарын уонна Дьокуускай куорат сиригэр-уотугар бэлиэтэннэ.
Дьокуускай уокуругун Кангаласс оройуонугар уу таһыма 860 см тэҥнэһэр, уу таһыма 4 чаас иһигэр 17 см эбилиннэ.
Дьокуускайга муус хойуутук барар, уу таһыма — 536 сантиметр, уу 4 чаас иһигэр 12 см элбээтэ.
Алдан өрүскэ муус Алдан, Уус Майа, Томпо, Таатта уонна Уус Алдан улуустарынан барар.
Бүлүү өрүскэ муус Ньурба, Үөһээ Бүлүү, Бүлүү уонна Кэбээйи улуустарын сиригэр-уотугар, Халыма өрүскэ Үөһээ Халыма уонна Магадан уобалаһын сиригэр-уотугар хамсыыр.
Бэҕэһээ, ыам ыйын 18 күнүгэр, Березовка өрүс нуорматтан 4 хонугунан эрдэлээн эһиннэ.
Орто Халымаҕа муус барыыта ыам 19-23 күннэригэр күүтүллэр.
Сообщить об опечатке
Текст, который будет отправлен нашим редакторам: