Алтынньы 4 күнүгэр сүөһү аһылыгын бэлэмнээһин хампаанньатын хаамыытын туһунан брифиҥҥэ СӨ Тыа хаһаайыстыбатын министиэристибэтин департаменын салайааччыта Вячеслав Гаврильев иһитиннэрдэ.
Амма, Мэҥэ Хаҥалас, Таатта, Чурапчы улуустара уонна Дьокуускай куорат бүгүн оттооһун былаанын 90 % куоһардылар.
Вячеслав Гаврильев иһитиннэрбитинэн, алтынньы 3 күнүгэр өрөспүүбүлүкэ үрдүнэн 385 111 туонна от соҕотуопкаланна, ити былаантан 87 % тэҥнэһэр.
Эрэгийиэҥҥэ 57 мобильнай биригээдэ салгыы оттууллар. Билиҥҥи туругунан кинилэр ыраах сытар учаастактарга 43 979 туонна оту кэбистилэр.
Маны сэргэ бу күннээҕи туругунан 8 515 га туорахтаах култуура хомулунна уонна 7829 туонна бурдук (былаантан 64 %), ол иһигэр 1248 туонна сэлиэһинэйи, 1919 туонна ньэчимиэни, 4598 туонна эбиэһи.
Бурдук хомуура Мэҥэ Хаҥалас, Амма, Чурапчы улуустарыгар түмүктэннэ.
Саха сирин бары көрүҥнээх хаһаайыстыбаларыгар 6672,2 гектар иэннээх бааһынаҕа хортуоппуй хомулунна эбэтэр хомуллуохтаах иэн 99,4 %-гар тэҥнэһэр. Онон уопсайа 66683 туонна хортуоппуйу хостоотулар (95%).
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах саайтан
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…