Намҥа 39 кыбартыыралаах саҥа дьиэ үлэҕэ киирдэ

Бэҕэһээ, олунньу 22 күнүгэр, Нам киинигэр «Хаарбах уонна саахалланар туруктаах дьиэттэн дьону көһөрүү» бырагырааманан 39 кыбартыыралаах дьиэ үөрүүлээх быһыыга-майгыга үлэҕэ киирдэ.

Санатар буоллахха, дойду Аҕа баһылыга  Владимир Путин көҕүлээһининэн «Олорор дьиэ уонна куорат эйгэтэ» национальнай бырайыагынан өрөспүүбүлүкэтээҕи аадырыстаах бырагыраама буолар.

Октябрьскай уулуссаҕа 6-гар  уопсайа 1614,91 кв.м иэннээх 4 мэндиэмэннээх саҥа таас дьиэни Максим Макаров уонна Анатолий Калинов салайааччылардаах «Технопрофи» ХЭТ тутан үлэҕэ киллэрдэ. Дьиэ бары ирдэбилгэ эппиэттиир, толору хааччыллыылаах.

Аалай лиэнтэни улуус баһылыгын солбуйааччы Филипп Николаев, Ленскэй нэһилиэк баһылыга Петр Сокольников, «Технопрофи» ХЭТ салайааччылара Максим Макаров уонна Анатолий Калинов быстылар. Үөрүүлээх тэрээһиҥҥэ алгысчыт Владимир Сыромятников алгыс сиэрин-туомун толордо.

«Нам улууһа» МТ пресс-сулууспата