Хаартыска: Нам улууһун дьаһалтата
Нам улууһун уус-уран түмэлигэр 9-с кылаас үөрэнээччитэ Анатолий Игнатьев «Дьылҕа матыыптара – олох пазллара» («Чудо картины – пазлы жизни») диэн ааттаах бастакы айар быыстапката үөрүүлээх быһыыга-майгыга аһылынна.
Эдэр талаан үлэлэрэ – барыта уустук технологиянан хомуллубут пазл-хартыыналар. Анатолий бу дьарыгынан үс сааһыттан үлүһүйэн эрэр. Быыстапкаҕа кини араас тиэмэҕэ хомуйбут улахан кээмэйдээх хартыыналара, Саха сирин улуустарын дьаралыктара, ону тэҥэ атын да оҥоһуктара туруоруллубуттар. Кини уустук, саҥа технологиялаах пазллары ыарырҕаппакка хомуйарын дьон сөҕө-махтайа көрдө. Бу уол талаана дьарыгынан эрэ муҥурдаммат. Кини пазллары түргэнник хомуйуунан «Инникигэ хардыы» научнай-практическай кэмпириэнсийэлэргэ ситиһиилээхтик кыттан, Арассыыйа таһымыгар тиийэ биллибит. Ону таһынан, Анатолий үҥкүүнэн, уруһуйунан дьарыктанар эргиччи сайдыылаах ыччат.
Быыстапка аһыллыытын үөрүүлээх сиэригэр-туомугар аалай лиэнтэни улуус баһылыга Юрий Слепцов, түмэл сэбиэдиссэйэ Екатерина Ширяева уонна быыстапка ааптара Анатолий Игнатьев быстылар. Мустубут дьоҥҥо Толя ийэтэ Ольга Игнатьева, бастакы иитээччилэрэ, учууталлара уонна аймахтара кини бу дьарыгар төһө бэриниилээҕин, дьаныардааҕын туһунан истиҥник ахтан эҕэрдэ тылларын эттилэр.
Игнатьевтар – 6 оҕолоох улахан дьиэ кэргэн. Кинилэр бары пазл хомуйарынан үлүһүйэллэр уонна ахсыс сылын оҕолорго аналлаах улуус, өрөспүүбүлүкэ таһымнаах «Пазл-күрэх» тэрийэн ыыталлар. Бу күрэххэ Саха сирин араас муннуктарыттан оҕолор кэлэн күөн көрсөллөр. Ити курдук, төрөппүт оҕо дьоҕурун эрдэттэн таба көрөн, сайыннаран, улахан ситиһиилэргэ сирдиэн сөбүн Игнатьевтар дьиэ кэргэннэрэ бэйэлэрин холобурдарынан көрдөрөллөр.
Арассыыйа былааҕа тимир көлө нүөмэригэр булгуччулаахтык баар буолуохтааҕын туһунан сокуоҥҥа уларыйыылар күүстэригэр киириэхтэрин иннинэ судаарыстыбаннай…
Ыччат бэлиитикэтигэр уонна иитэр үлэҕэ үрдүк үөрэх кыһаларын хамаандаларын Бүтүн Арассыыйатааҕы күрэҕэр дойду 82 эрэгийиэниттэн…
94 сааһыгар олохтон туораабыт Таиланд урукку королевата Сирикит өлбүтүн кэннэ, дойдуга биир сыллаах траур биллэрилиннэ.…
Саха сирин бырабыыталыстыбатын бэрэссэдээтэлин бастакы солбуйааччы Дмитрий Садовников өрөспүүбүлүкэҕэ социальнай эбийиэктэри тутуу боппуруостарыгар мунньах ыытта.…
Ленскэй улууһун борокуруора икки олохтоох эр дьоҥҥо буруйдуур түмүгү бигэргэттэ. Кинилэр киһини уорууга, массыынаны күрэтиигэ,…
Cэтинньигэ нэһилиэстибинньиктэри, ону тэҥэ төлөпүөн нүөмэрдэрин уларытары сөбүлүүр дьону таарыйар сокуоннарга суолталаах уларыйыылар киириэхтэрэ. Сорохторго…