Намҥа баһаарга икки эр киһи тыына быстыбыт

Дознавателлэр уонна силиэстийээччилэр Нам улууһугар тахсыбыт алдьархай төрүөтүн быһаараллар. Үүтээҥҥэ тахсыбыт баһаар түмүгэр икки эр киһи тыына быстыбыт.

Саха сиринээҕи ЫБММ иһитиннэрэринэн, Эргэлээх сэлиэнньэтиттэн 20 км тэйиччи турар үүүтээҥҥэ баһаар турбут. Онно 70 саастаах эр киһи тутатына өлбүт. 65 саастаах эр киһини  балыыһаҕа киллэрбиттэр, ол эрээри быраастар олоҕун быыһыырга кыайбатахтар.

«„01“ нүөмэргэ ыҥырыы киирбэтэҕэ, баһаарынай чаастар тахсыбатахтара», — диэн биэдэмистибэҕэ чуолкайдаатылар. Баһаар төрүөтүн ЫБММ дознавателлэрэ уонна силиэстийэлэччилэр быһаардылар. Биэдэмистибэҕэ иһитиннэрбиттэринэн, Саха сиригэр ааспыт нэдиэлэҕэ баһаар ахсаана 39 түбэлтэнэн элбээбит, түөрт киһи эчэйбит, икки киһи өлбүт.