Андрей Сорокин хаартыската, ЯСИА архыыбыттан
Бүгүн, балаҕан ыйын 27 күнүгэр, 15:37 чааска 112 нүөмэргэ эрийэн, Алдан өрүс төрдүгэр балыксыттар оҥочолоро алдьанан хаайтарбыттарын туһунан иһитиннэрбиттэр.
Эр дьон Нам улууһун Түбэтигэр Дьокуускайтан кэлэн, өрүс кытылыгар массыыналарын хаалларбыттар. Өлүөнэ өрүһүнэн Алдан өрүс диэки 5 км оҥочолорунан устубуттар. Онтон оҥочолорун долгун уҥа кытылга саайан, көмө көрдөөбүттэр.
16:05 чааска Түбэҕэ баар Быыһыыр сулууспа хонтуруоллуур-быыһыыр этэрээтин быыһааччылара күүстээх силлиэттэн сылтаан сатаан айаҥҥа турумматтарын иһитиннэрбиттэр, күн-дьыл туруга бигэтийэрин күүүтэллэр.
Оттон Өлөөн улууһугар өрүскэ кыдьымах үөскээн, булчуттар хаайтарбыттар. Балаҕан ыйын 26 күнүгэр 12:09 чааска улуус баһылыга Өлөөн сэлиэнньэтигэр Алын Дьарҕаалаах өрүскэ түөрт биригээдэ хаайтарбытын туһунан иһитиннэрбит. Барыта 13 киһи.
Булчуттар мотуордаах оҥочолорунан айаннаабыттар уонна эмискэ тымныйан, өрүскэ кыдьымах үөскээбитигэр хаайтарбыттар. Улуус дьаһалтата суһал миэрэлэри ылынан, дьону эвакуациялыырга көрдөспүт.
Балаҕан ыйын 26 күнүгэр 16:00 чааска олохтоох икки киһи «Сокол» снегоходунан көмөҕө туруммуттар. 21:00 чаас диэки 10 киһини аҕалбыттар, өссө 3 киһи хаалбыт. Кинилэри ыла бүгүн «Ирбис» суудуна айаннаата.
Бу туһунан СӨ Быһыыр сулууспата иһитиннэрэр.
РФ Бырабыыталыстыбатын уурааҕын бырайыагар олоҕуран, суоппардар массыыналарын регистрационнай докумуоннарын уонна суоппар быраабын дастабырыанньатын МАХ нөҥүө…
Үлэ, социальнай бэлиитикэ, бэтэрээннэр дьыалаларыгар кэмитиэт бэрэссэдээтэлэ Ярослав Нилов, наҕараада ылбатах эрээри ирдэнэр болдьохтон биэс…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Аны күһүҥҥүттэн оскуолаҕа тутта-хапта сылдьыы иһин сыана туруоруохтара. Тустаах докумуону нуорма-быраап аакталарын бырайыагын федеральнай порталыгар…
Дьокуускайга Күөх Хонуу аттыгар ыытыллыбыт Кириһиэнньэ сөтүөтүгэр 865 киһи кытынна. Тохсунньу 18 күнүгэр Өлүөнэ өрүскэ…
Киин куоракка күннэтэ кэриэтэ араас быһылааннар тахса тураллар. Бу күннэргэ арыгы содулуттан эдэр дьахтар эчэйиилээх…