Хаартыска Нам улууһун дьаһалтатын саайтыттан
Намнар сыллата маннык үтүө тэрээһини тэрийэн ыыталлар. Бу туһунан улуус дьаһалтатын пресс-сулууспата суруйар.
Саха Өрөспүүбүлүкэтин күнүгэр Нам улууһун бэлисипиэтинэн айаны сөбүлээччилэрин «Намвел» кулууптара уонна М.К.Аммосов аатынан Саха Өрөспүүбүлүкэтин Судаарыстыбаннаһын түмэлэ өрөспүүбүлүкэ таһымнаах «Нам — Хатырык — Нам» маршрутунан 70 км бэлисипиэтинэн айаны тэрийдилэр. Дьокуускай куораттан кыттыылаах уопсайа 26 велосипедист, биэс улуус уонна куорат аатыттан марафоҥҥа кыттыыны ыллылар.
Марафон кыттыылаахтара улуус киинигэр художественнай музейга С.Н.Колесов быыстапкатын көрдүлэр, онтон Максим Аммосов пааматынньыгар тыыннаах сибэкки дьөрбөтүн уурдулар. Салгыы Хатырыкка айаннаатылар. Хатырыкка Максим Аммосов пааматынньыгар сибэккилэри уурдулар. Ыалдьыттар кылтан-сиэлтэн быыстапканы көрдүлэр, оһуохайга кытыннылар. Култуура уонна успуорт киинигэр волейболга, дартска күрэхтэстилэр. Түмэл тэлгэһэтигэр бэлисипиэт быыстапката тэрилиннэ.
Чөл, чэгиэн олоҕу тарҕатар бэлисипиэтинэн айаннааччылар тэрээһиннэрэ РФ Дьиэ кэргэн, Саха сиригэр Оҕо саас, Нам улууһугар Оҕо успуордун сылларыгар ананна диэн Нам улууһун дьаһалтатын пресс-сулууспата суруйар.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…