Намҥа «Биир санаанан — биир сомоҕо» аахсыйа ыытылынна

Нам улууһугар байыаннай дьайыыга сылдьар биир дойдулаахтарыгар  анаммыт аахсыйа түмүгүнэн уопсайа 4 459 542,00 солк. харчы киирбитин туһунан улуус дьаһалтатын пресс-сулууспата иһитиннэрдэ.

— Көмө аахсыйаҕа улууспут тэрилтэлэрэ, оскуола оҕолоро, уопсастыбаннай түмсүүлэр, биирдиилээн дьон көхтөөх кыттыыны ыллылар. Улуус баһылыга Юрий Слепцов бар дьонугар махтанна уонна кэлэр ыйга  байыаннай дьайыы буола турар сиригэр тиийэн биир дойдулаахтарбытыгар, саха уолаттарыгар көмөнү хайаан да тиэрдиэхпит диэн туран улуус дьаһалтатын уонна дьиэ кэргэнин аатыттан көмө харчы биэрдэ. Хамаҕатта нэһилиэгин урбаанньыта Александр Жирков байыаннай дьайыыга кытта сылдьар үлэһитигэр тиэрдэллэригэр диэн генератор туттарда. Бу күн «Биир санаанан — биир сомоҕо» аахсыйаҕа  кыттыбыт, бэйэтин көмөтүн өрө ууммут, өйөбүл буолбут хас биирдии дьоммутугар-сэргэбитигэр, тэрилтэлэргэ, түмсүүлэргэ барҕа махталбытын тиэрдэбит!, — диэн  «Нам улууһа» МТ пресс-сулууспата суруйда.