Хаартыска: ЫБММ пресс-сулууспата
Өлүөнэ өрүс мууһа Кэбээйи, Нам, Мэҥэ Хаҥалас улуустарынан уонна Дьокуускай куоратынан устар. Муус барар улуустарыгар уу таһыма үрдүөн сөп.
Чугастааҕы кэмҥэ өрүс Сангаар бөһүөлэгин аннынан эстиэ. Харыы тахсар түгэнигэр, Кэбээйи улууһун Сангаар, Батамай уонна Кальвица нэһилиэгэр уу таһыма үрдүүр кутталлаах.
Алдан өрүс мууһа Кэбээйи уонна Уус Алдан улууһунан устар. Алдан өрүс Өлүөнэ өрүскэ түһэригэр уу таһыма үрдээн, Нам улууһун Арбыныгар уонна Кэбээйи улууһун Батамайыгар ыксаллаах балаһыанньа үөскүөн сөп.
Халыма өрүс мууһа Үөһээ Халыма уонна Орто Халыма улуустарынан устар. Чугастааҕы сууккаҕа муус барарынан сибээстээн, уу таһыма үрдээн, Орто Халыма куоратын намыһах сирдэрин уу ылара сабаҕаланар.
«Муус барыытын түмүгэр суукка иһигэр Фрунзе, Аппааны, Үөдэй, Никольскай нэһилиэктэригэр өссө 27 дьиэ тиэргэнэ ууга барда. Нам улууһугар уопсайа 16 нэһилиэккэ 647 тиэргэн, ол иһигэр 489 олорор дьиэ ууга турар. Нам улууһугар сааскы халаан содулун туоратыыга 384 киһи уонна 92 тиэхиньикэ үлэлиир, ол иһигэр Арассыыйа ЫБММ-н 92 киһи уонна 13 тиэхиньикэтэ, 8 уу суудуната үлэлии сылдьар», – диэн кэпсээтэ ЫБММ Саха сиринээҕи кылаабынай салалтатын начаалынньыга Павел Гарин.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…