Хаартыска -- Нам улууһун дьаһалтатын пресс-сулууспата.
Ааспыт өрөбүллэргэ Нам сэлиэнньэтин “Госстрах» түөлбэтигэр Тырылгиннар сыдьааннара Арассыыйаҕа Дьиэ кэргэн, Саха сиригэр Оҕо саас, Нам улууһугар Оҕо успуордун сылларынан Дьиэ кэргэн спартакиадатын тэрийэн ыыттылар.
Бу күн Тырылгиннар дьиэ кэргэттэрин кубогын иһин 14 дьиэ кэргэн Орто Халыма Иккис Мээтис, Хатыҥнаах нэһилиэктэриттэн, Дьокуускайтан, Нам сэлиэнньэтиттэн, Партизантан мустан кэлэн, успуорт 8 көрүҥэр күрэхтэстилэр. Күрэхтэһиигэ Колпашниковтар икки байыаннай дьайыыга сылдьар уолаттара уоппуска кэмигэр кэлэн кыттыыны ыллылар.
Спартакиада улууска бастакынан дойду бэрэсидьиэнэ Владимир Путин «Дьиэ кэргэн улахан өрөбүллэрэ» тэрээһини ыытар туһунан дьаһалыгар олоҕуран ыытылынна. Тэрээһин сыала-соруга — ыччакка аймахтыы сыһыаны иитии, эти-хааны эрчийии, чөл олоҕу көҕүлээһин, өбүгэ оонньууларын сөргүтүү. Уопсайа 50-ча улахан киһи уонна оҕо кытынна. Дьиэ кэргэттэр остуол тенниһигэр, дартска, хорнхолга, остуолга оонньонор ат сүүрдүүтүгэр, ох саанан ытыыга, “кольцону” быраҕыыга, мас тардыһыытыгар көхтөөхтүк кытыннылар.
Спартакиаданы тэрийбит Вера Колпашникова “Нам улууһа” МТ баһылыгар Юрий Слепцовка, “Ленскэй нэһилиэк» МТ баһылыгар Петр Сокольниковка, баһылык солбуйааччытыгар Петр Владимировка, МАУ АРТ салайааччытыгар Виктор Яковлевка, “Лидер” успуорт тэрилтэтин салайааччытыгар Иван Яковлевка, Намтан Любовь, Николай Кривошапкиннарга, Партизантан Мария, Валериан Колпашниковтарга, түөлбэ олохтоохторугар Николай Кондаковка, Анастасия Старостинаҕа, Олоҥхо дьиэтин кэлэктиибигэр, Аҕа сүбэтигэр, Хамаҕаттаттан Руслан, Анна Захаровтарга, Сандаара Оротоо дьиэ кэргэттэригэр спартакиада ыытыллыытыгар көмөлөрүн иһин барҕа махтал тылларын тиэртэ.
Бу туһунан “Нам улууһа” МТ пресс-сулууспата дьаһалта телеграм-ханаалыгар иһитиннэрдэ.
Аллайыаха улууһун Чокуурдаах бөһүөлэгэр ыт ииримтийэн ыалдьыбыта бэлиэтэммит. Бу кутталлаах ыарыыны бэйдиэ сылдьар ыттан булбуттар…
Дьокуускай киинигэр, Чернышевскай уулуссатыгар 13 этээстээх, 9 тыһыынча кв.м. иэннээх, 4 сулустаах, аныгылыы көрүҥнээх гостиница…
Дьокуускайга “Кыталык көтүүтэ” бырайыак суол каартатын торумнааһыҥҥа учуонайдар, экологтар, муниципалитет, туризм биисинэһин, култуура, сонуннары киэҥник…
2025 сыл муус устар 5 күнүгэр “Звезда” телеханаал Арассыыйа Федерациятын Оборуонаҕа министиэристибэтин өйөбүлүнэн “Звезда-2025” норуоттар…
Эрдиини ыһыктымыахха наада бу олоххо, Бырахтыҥ да сүүрүк хоту сурулуу устаҕын, туох да быыһаабат, Арбаҕастаах…
Василий Киренскэй баһаарынай чаас суоппарыттан саҕалаан фронтовик буолбута. Оттон билигин эйэлээх идэҕэ төттөрү киирдэ. Байыаннай…