Нам улууһун дьаһалтатын пресс-сулууспата
«Хаарбах туруктаах дьиэттэн гражданнары көһөрүү» федеральнай тус сыаллаах бырагыраама чэрчитинэн Нам улууһугар элбэх кыбартыыралаах, толору хааччыллыылаах дьиэни тутуу үлэтэ тэтимнээхтик ыытыллар.
Бүгүн, ыам ыйын 5 күнүгэр, Ленскэй нэһилиэк килбэйэр киинигэр, Минияров уулуссаҕа, Нюргун Спиридонов дириэктэрдээх «Перспектива» ХЭТ 4 этээстээх, 27 кыбартыыралаах дьиэ бастакы сыбаайатын түһэрэр үөрүүлээх күнэ буолла.
Тутуу бастакы олугун уурууга «Нам улууһа» МТ баһылыгын солбуйааччы Петр Абрамов, «Ленскэй нэһилиэк» МТ баһылыгын солбуйааччы Петр Владимиров, «Перспектива» ХЭТ дириэктэрэ Ньургун Спиридонов уонна тэрилтэ үлэһиттэрэ, «Прогресс проект» ХЭТ дириэктэрин э.т. Вадим Анисимов, улуустааҕы тутуу уонна архитектура управлениетын исписэлиистэрэ, саҥа тутуллар дьиэ хаһаайыттара кыттыыны ыллылар.
Петр Васильевич, Петр Иванович уонна Ньургун Афанасьевич бастакы сыбаайаны түһэрэр үөрүүлээх түгэҥҥэ эҕэрдэ тыллары эттилэр.
Эбийиэк 2023 сыл IV кыбаарталыгар үлэҕэ киириэҕэ.
Санатар буоллахха, Ньургун Спиридонов дириэктэрдээх «Перспектива» ХЭТ 2023 сылга киирэн баран Нам сэлиэнньэтигэр «Хаарбах туруктаах дьиэттэн гражданнары көһөрүү» федеральнай бырагыраама иитинэн иккис дьиэтин сыбаайатын түһэрдэ. Былырыын, 2022 сылга, бу бырагырааманан Таастаах нэһилиэгэр 6 кыбартыыралаах дьиэни үлэҕэ киллэрбитэ.
«Нам улууһа» МТ пресс-сулууспата
Нерюнгри оройуонун Чульман бөһүөлэгин олохтоохторо Олоҥхо ыһыаҕар көхтөөх кыттыыны ыллылар. "Костер на снегу" ансаамбыл чилиэннэрэ…
«Рослесозащита» федеральнай тэрилтэ исписэлиистэрэ Саха сирин тыаларынан шелкопряд ахсаана элбиирин уонна мастары алдьаталлара күүһүрэрин күүтүллэрин…
Бүгүн, от ыйын 4 күнүгэр, Олоҥхо ыһыаҕын аһыллыытыгар Нерюнгри куорат олохтоохторо кыратыттан улаханыгар тиийэ араас…
Бу чааска Нерюнгри оройуонун сиригэр-уотугар өрөспүүбүлүкэтээҕи Олоҥхо ыһыаҕа ыытылла турар. Дьокуускай куораттааҕы "Уу-чуку-чук" уһуйаан оҕолорун…
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…