Намҥа эр киһи ойоҕун аанынан саайбыт

Нам оройуоннааҕы Арассыыйа ИДьМ-ын полиция отделын участковайын матырыйаалларынан 35 саастаах эрдэ сууттана сылдьыбыт киһиэхэ холуобунай дьыала тэриллибитин туһунан СӨ ИДьМ пресс-сулууспата суруйар.

Участковай олохтоох дьахтары уулуссаҕа көрсөн, этигэр-сиинигэр хаан турбутун бэлиэтии көрбүт. Полиция бэрэбиэркэ кэмигэр быһаарбытынан, дьахтар эчэйиилэргэр кэргэнэ сыһыаннааҕа биллибит. Эр киһи дьиэтигэр итирик кэлэн ойоҕун кытта айдаарсыбыт. Этиһии кэмигэр ойоҕун хос аанынан санныга саайбыт. Онтон сылтаан дьахтар эмсэҕэлээбит.

Холуобунай дьыала тэрилиннэ.