Хаартыска: Нам улууһун дьаһалтатыттан
Нам сэлиэнньэтигэр 2025 сыл бүтүүтүгэр 450 миэстэлээх өссө биир оскуоланы тутан үлэҕэ киллэрэри былаанныыллар.
Бу туһунан СӨ Бырабыыталыстыбатын отчуотугар СӨ тас сибээскэ уонна норуоттар дьыалаларыгар миниистир Гаврил Кириллин эттэ. Тутуу 45% бэлэм. Билигин Б блокка кырыыһатын оҥороллор. Бэлиэтэнэринэн, эбийиэк «Үөрэҕи сайыннарыы» бырагыраама иитинэн ыытыллар.
«Саҥа оскуоланы тутуу эрэгийиэҥҥэ үөрэх инфраструктуратын сайыннарыыга төһүү буолар уонна оҕолор үөрэнэллэригэр, сайдалларыгар табыгастаах эйгэ тэриллэр«, — диэн бэлиэтиир Гаврил Кириллин.
Уопсайа 5,8 тыһ. кв.м. иэннээх үс мэндиэмэннээх дьиэҕэ 17 үөрэнэр хос, таҥас уларыттар сирдээх успуорт саалата, эмиэ итинник хостоох гимнастиканан дьарыктанар саала баар буолаллар. Маны таһынан 270 миэстэлээх актовай саала, бибилэтиэкэ, 150 миэстэлээх остолобуой, мэдиссиинэ хоһо, таҥас ыйыыр сир, рекреация былааннаналлар.
Санатан буоллахха, быйыл тохсунньуга 150 оҕо үөрэнэригэр анаан Тумулга оскуола үлэҕэ киирбитэ. Бу СӨ инвестиционнай бырагырааматын иитинэн тутуллубута. Икки мэндиэмэннээх оскуола уопсай иэнэ 2,6 тыһ. кв.м. тэҥ. Манна үөрэнэр хостор, компьютернай кылаас, актовай саала, бибилэтиэкэ, остолобуой, уо.д.а. бааллар.
СӨ Ил Дарханын уонна Бырабыыталыстыбатын пресс-сулууспата
Хаартыска: Нам улууһун дьаһалтатыттан
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…