Намҥа хомуур үлэтин үгэнэ

Өрөспүүбүлүкэ тыатын хаһаайыстыбаларыгар хомуур үлэтин үгэнэ.

— Балаҕан ыйын 18 күннээх туругунан, Нам улууһугар 465 гектарга хортуоппуй хомулунна. Ол иһигэр 216, 5 га — тэриллиилээх хаһаайыстыбалар. Хамаҕатта нэһилиэгэр Александр Жирков баһылыктаах бааһынай хаһаайыстыбата үчүгэй көрдөрүүлээх. Ол курдук, 1 гектартан 190 ц хортуоппуйу ылла, — диэн бу сарсыарда сибиэһэй сонуну Нам улууһун кылаабынай агронома Сардана Новгородова иһитиннэрдэ.

Бу күннэргэ улууска оҕуруот аһын хомуура бара турар. Кэлэр нэдиэлэ бүтүүтэ хомууру халлаан турдаҕына бүтэрэр гэ соруктаналлар. Хомуур үлэтигэр оскуола оҕолоро, устудьуоннар, тэрилтэлэр көхтөөхтүк кытталлар эбит.

Хаартыска: С.Новгородова тиксэрдэ.