Хаартыска: СИА, Андрей Сорокин
Ил Дархан Айсен Николаев Нам улууһугар оробуочай сырыытын кэмигэр улуустааҕы Киин балыыһа саҥа куорпуһун тутуутун бастакы сыбаайатын түһэрии сиэригэр-туомугар кытынна. Саҥа куорпус 2025 сылга үлэҕэ киириэхтээх.
Айсен Николаев үөрүүлээх тэрээһин кэмигэр туһааннаах тутуу дойду Аҕа баһылыга Владимир Путин көҕүлээбит «Доруобуйа харыстабыла» национальнай бырайыак иитинэн тутулларын бэлиэтээн эттэ.
— Бу сылларга өрөспүүбүлүкэҕэ доруобуйа харыстабылын үгүс эбийиэктэрэ тутулуннулар. Күн бэҕэһээ Владимир Путин Уһук Илин эрэгийиэннэр куораттарын – Анадырь, Магадан уонна Дьокуускай – маастар-былааннарын, сайдыыларын туһунан ыыппыт мунньаҕар, Уһук Илини сайыннарыы министиэристибэтин салаатынан бэрэсидьиэн биир кэлим субсидиятын көмөтүнэн кардиососудистай киин тутулунна диэн бэлиэтээн эттим. Бу сыл бүтүөр диэри Муома улууһун Хонуутугар, Чурапчы сэлиэнньэтигэр, Таатта Ытык Күөлүгэр доруобуйа харыстабылын саҥа эбийиэктэрэ үлэҕэ киллэриллиэхтэрэ. Былааҥҥа саҥа балыыһа комплекстара Бүлүү, Мэҥэ Хаҥалас уонна да атын улуустарга тураллар. Бу аата дойду Аҕа баһылыга, биһиги дойдубут, өрөспүүбүлүкэбит нэһилиэнньэ доруобуйатын тупсуутугар улахан болҕомтолорун ууралларын көрдөрөр, – диэтэ Айсен Николаев.
Үс мэндиэмэннээх эмтиир саҥа куорпуска акушерскай-гинекологическай, терапевтическай отделениялар, икки эпэрээссийэлиир блоктаах хирургия, диагностическай сулууспа, эмтэнэр-сытар отделение уонна да атын салаалар баар буолуохтара.
Нам улууһун миэдиктэрэ эппиттэринэн, олохтоохтор саҥа балыыһа тутуутун кэтэспиттэрэ ыраатта.
«Саҥа куорпуска аныгы мэдиссиинискэй тэриллэр, ол иһигэр рентген систиэмэтэ туруорулунна», – диэн Киин балыыһа кылаабынай бырааһа Ариан Сергеев иһитиннэрдэ.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…